Loftslagsstefna Sjónstöðvarinnar

Framtíðarsýn:

Sjónstöðin stefnir á að vera til fyrirmyndar í loftslagsmálum með því að vera meðvituð um þau umhverfisáhrif sem rekstur stofnunarinnar hefur og með því halda neikvæðum umhverfisáhrifum í lágmarki. Slíkt stuðlar að vellíðan starfsfólks og notenda þjónustunnar.

Stofnunin leggur sitt af mörkum til að uppfylla skuldbindingar íslenskra stjórnvalda samkvæmt Parísarsamkomulaginu.

Sjónstöðin fylgir lögum og reglum sem gilda um umhverfis- og loftslagsmál og byggir stefnan okkar á stefnu og aðgerðaráætlun íslenskra stjórnvalda á sviði loftslagsmála.

Stefnan nær til samgangna, orkunotkunar og úrgangsmyndunar á vegum Sjónstöðvarinnar. Stefnan nær yfir alla starfsemi Sjónstöðvarinnar, bæði í húsnæði stofnunarinnar að Hamrahlíð 17 og við ráðgjafarþjónustu utan þess

Markmið og aðgerðir loftslagsstefnu Sjónstöðvarinnar er eftirfarandi:

• Fram til 2030 mun Sjónstöðin draga úr losun gróðurhúsalofttegunda um samtals 30% á stöðugildi miðað við árið 2022.

• Kolefnisjafna allt flug frá 2026.

• Hafa umhverfismarkmið að leiðarljósi við öll innkaup til rekstrar.

• Uppfylla skilyrði allra 5 skrefa verkefnisins grænna skrefa í ríkisrekstri við lok árs 2027.

• Halda fræðslu fyrir starfsfólk um umhverfismál að lágmarki tvisvar sinnum á ári

Gildissvið:

Stefna þessi tekur til umhverfisáhrifa af rekstri Sjónstöðvarinnar og varðar starfsfólk stofnunarinnar og skal vera liður í daglegu starfi hennar.

Umfang:

Umhverfis- og loftslagsstefna Sjónstöðvarinnar tekur mið af:

• leiðbeiningum Umhverfisstofnunar um loftslagsstefnur opinberra aðila

• skuldbindingum íslenskra stjórnvalda gagnvart Parísarsamkomulaginu

• aðgerðaáætlun íslenskra stjórnvalda í loftslagsmálum

• verkefninu Grænum skrefum.

Eftirfylgni:

Forstjóri ber ábyrgð á þeim markmiðum sem sett eru fram í loftslagsstefnu. Stofnunin setur sér aðgerðaáætlun í gegnum grænt bókhald þar sem teknir eru fram þýðingarmestu þættir í rekstri stofnunarinnar sem hefur áhrif á umhverfið. Umhverfis- og loftslagsstefnan er rýnd árlega í samstarfi við teymi um græn skref. Niðurstöðum græns bókhalds er miðlað á heimasíðu Grænna skrefa.

Endurskoðað 26.11.2025