Hér er aðeins brot af því sem finna má á vef Miðstöðvar menntunar og skólaþjónustu en við hvetjum þig til að kynna þér efnið!

Leikskóli

Álfakrílin – Litrík og skemmtileg bók sem kveikir áhuga yngstu barnanna á hljóðum, orðum og sögum.

Fjör og fræðsla – Fjölbreyttar þrautir, orðaleikir og verkefni sem þjálfa íslenskukunnáttu á leikrænan og glaðlegan hátt.

Yngsta stig

Skriftarvefurinn – Þegar börn skrifa með skriffæri styrkist tenging hugar og handar og minni og stafsetning þjálfast. Góð skriftarkunnátta styður skapandi skrif, lengri og áhugaverðari texta og eflir trú á eigin getu – skrift er frábær grunnur fyrir framtíðar rithöfunda!

Mið- og unglingastig

Sögulandið | Hólma sól í háska | Brennd á báli – Í þessum bókum öðlast lesendur innsýn í dularfull, átakanleg og spennandi ævintýri úr sögnum, bókmenntum og þjóðararfi.

Hinsegin saga – Fræðandi bók sem eflir skilning á samfélaginu, mannréttindum og frelsi til sjálfsmyndar og tjáningar. Hún gefur lesendum einnig innsýn í fjölmörg orð og hugtök sem hafa rutt sér til rúms á síðari árum og teljast fremur ný í íslenskri tungu - orð sem endurspegla lifandi, breytilegt og fjölbreytt samfélag.

Allur aldur

Memm – Vefur sem miðlar gagnlegum verkfærum, fræðslu og hugmyndum sem styðja við menntun barna með fjölbreyttan tungumála- og menningarbakgrunn. Hann nýtist vel til að efla nemendur sem eru nýfluttir til landsins í íslensku.

Ljóðaflóð – Ljóðaflóð er skemmtileg ljóðasamkeppni sem MMS stendur fyrir í samstarfi við KrakkaRÚV. Við hvetjum kennara til að hjálpa nemendum að virkja sköpunarkraftinn og senda inn ljóð á fjölbreyttu formi. Það geta verið bundin ljóð og óbundin, ferskeytlur, limrur, hækur, tönkur og myndljóð – sannkallað ljóðaflóð! Skilafrestur er til og með 10. desember næstkomandi.

Tökum höndum saman um að halda íslenskunni lifandi, í dag og alla daga!

Fleiri hugmyndir á mms.is/namsefni