Dómnefnd velur ljóð á yngsta stigi, mið- og unglingastigi og fá vinningshafar afhent bókaverðlaun og viðurkenningarskjal. Úrval ljóða verður einnig birt á vefsíðu MMS. Úrslit keppninnar verða tilkynnt í janúar 2026, bæði á vefmiðlum MMS og á KrakkaRÚV þar sem vinningsljóðin verða flutt.

Við hvetjum kennara til að undirbúa nemendur til þátttöku; lesa ljóð og ræða upplifun, innihald og mismunandi ljóðform. Á Ritunarvefnum er margs konar fróðleikur um ljóð ásamt skemmtilegum fræðslu- og hvatningarmyndböndum um skapandi skrif. Á safnvefnum Dagur íslenskrar tungu má nálgast stuttar og hnitmiðaðar bragfræðileiðbeiningar til kennara og einnig bendum við á bækurnar Bragfræði og Limrur fyrir unglingastig grunnskóla.

Nemendur geta annaðhvort samið sitt eigið ljóð eða haft samvinnu við aðra. Þá væri t.d. upplagt að bekkurinn skoðaði í sameiningu þau ljóð sem senda á í keppnina en vanda þarf til verka hvað varðar innihald, frágang og uppsetningu. Umfjöllunarefni ljóðanna er frjálst, þau geta verið um allt það sem brennur á krökkunum.

Mikilvægt er að merkja ljóðin með nafni höfundar, bekk og skóla. Senda má ljóðin í keppnina rafrænt á netfangið elinlilja@midstodmenntunar.is eða með bréfpósti:

Miðstöð menntunar og skólaþjónustu
Ljóðaflóð
B.t. Elínar Lilju Jónasdóttur
Víkurhvarfi 3
203 Kópavogi