Erfðaráðgjöf er veitt barnshafandi konum og verðandi foreldrum þegar ástæða er til að meta líkur á erfðasjúkdómum eða öðrum erfðafræðilegum frávikum hjá fóstri.

Ráðgjöfin er veitt af erfðaráðgjafa og/eða sérfræðingi í erfðasjúkdómum.

Hvenær getur verið þörf á erfðaráðgjöf?

Erfðaráðgjöf getur meðal annars komið til greina ef:

• Þekktur erfðasjúkdómur er í fjölskyldu annars hvors foreldris.

• Fyrra barn hefur greinst með erfðasjúkdóm.

• Fyrra barn hefur fæðst andvana.

• Fósturskimun eða aðrar rannsóknir benda til mögulegra frávika hjá fóstri.

• Þrjú eða fleiri fósturlát hafa orðið.

Hvað felst í erfðaráðgjöf?

Í erfðaráðgjöf er farið yfir líkur á erfðasjúkdómum, hvaða rannsóknir koma til greina og hvað niðurstöður þeirra geta sagt til um.

Eftir þörfum er einnig gerð áætlun um frekara eftirlit og meðferð.

Tímapantanir og nánari upplýsingar

Hægt er að panta tíma í erfðaráðgjöf hjá fósturgreiningardeild í síma 543 3256.

• Nánari upplýsingar um erfðaráðgjöf er að finna á síðu erfða- og sameindalæknisfræðideildar.