Landspítali
Erfða- og sameindalæknisfræðideild
Erfðaráðgjöf
Erfðaráðgjöf er ferli þar sem einstaklingar og fjölskyldur fá aðstoð við að skilja erfðir og afleiðingar erfðasjúkdóma.
Erfðaráðgjöf
Erfðaráðgjöf byggir á samtölum milli erfðaráðgjafa og ráðþega þar sem veittar eru upplýsingar um erfðir, erfðasjúkdóma og erfðatengda áhættu.
Markmiðið er að aðstoða einstaklinga og fjölskyldur við að skilja hvaða þættir gætu haft áhrif á heilsu þeirra, hvaða rannsóknir koma til greina og hvaða úrræði standa til boða.
Í erfðaráðgjöf er farið yfir heilsufar og fjölskyldusögu, og byggt á þeim upplýsingum er metið hvort og hvernig erfðir gætu tengst sjúkdómi. Einnig er rætt um mögulegar rannsóknir, niðurstöður þeirra og hvaða áhrif þær geta haft á eftirlit og/eða meðferð.
Tímabókun í erfðaráðgjöf fer fram í gegnum Landspítalaappið. Þú getur nálgast appið í App Store fyrir Iphone og á Google play fyrir Android.
Erfðaráðgjöf í Landspítalaappinu
Kynningarmyndband um starfsemi Erfðaráðgjafar