Rekstrarleyfi gististaðar með áfengisveitingum

Áður en sótt er um rekstrarleyfi, er mikilvægt að kynna sér upplýsingar um skilyrði og fylgigögn umsóknarinnar.

Vinsamlegast athugið að ef sótt er um í nafni fyrirtækis þarf prókúruhafi að sækja um.

Varðandi útiveitingar í Reykjavík bendum við á nánari upplýsingar á vefslóð borgarinnar: Vefur Reykjavíkurborgar.

Kostnaður

Leyfi til reksturs gististaðar með áfengisveitingum kostar 129.000 krónur

Gildistími og umfang rekstrarleyfis

Rekstrarleyfið er ótímabundið.

Leyfishafi skal tafarlaust tilkynna sýslumanni ef hann hyggst hætta hinni leyfisskyldu starfsemi.

Rekstrarleyfi er bundið við leyfishafa og er á engan hátt framseljanlegt. Þá er rekstrarleyfið jafnframt bundið við hina tilgreindu starfsemi og staðsetningu.