Reglugerð um (1.) breytingu á reglugerð nr. 55/2009, um styrki til kaupa á næringarefnum og sérfæði.

1. gr.

Á eftir orðinu "fæðuinntöku" í 1. málsl. 2. mgr. 4. gr. kemur: og upptöku næringarefna.

2. gr.

Eftirfarandi breytingar verða á fylgiskjalinu "Næringarefni og sérfæði frá Sjúkratryggingum Íslands" með reglugerðinni:

Í flokknum 98 Næringarefni og sérfæði verða eftirfarandi breytingar:

1. Í stað orðanna "eitt staðalfrávik" í 2. mgr. kemur: tveimur staðalfrávikum.
2. Við 3. mgr. bætist nýr málsl. sem orðast svo: Miða skal við að BMI (Body Mass Index: þyngd/hæð²) sé ≤ 16 eða að um sé að ræða ≥ 20% þyngdartap á minna en tveimur mánuðum þrátt fyrir að BMI sé > 18,5.

Í flokknum 98 06 Lífsnauðsynleg næringarviðbót vegna vannæringar og sérfæði verða eftirfarandi breytingar:

1. mgr. í flokknum 98 06 03 Næringarviðbót vegna vannæringar, vanþrifa og kyngingarerfiðleika, drykkir og duft orðast svo:
   Miðað er við að BMI (Body Mass Index: þyngd/hæð²) sé < 18,5 eða að um ≥ 10% þyngdartap sé að ræða á minna en tveimur mánuðum þrátt fyrir að BMI sé > 18,5.
2. Við flokkinn 98 06 09 Næringardrykkir vegna efnaskiptasjúkdóma (sykursýki) og ónæmisbælingar bætist nýr málsl. sem orðast svo: Miðað er við að BMI (Body Mass Index: þyngd/hæð²) sé < 18,5 eða að um ≥ 10% þyngdartap sé að ræða á minna en tveimur mánuðum þrátt fyrir að BMI sé > 18,5.
3. Flokkur 98 06 18 Próteinskert fæði vegna nýrna- og lifrarsjúkdóma fellur brott.
4. Flokkur 98 06 21 Sojamjólk, aðrar kalkbættar sojavörur eða kalkbætt sérfæði vegna ofnæmis fyrir mjólk fellur brott.

5. Í flokknum 98 06 24 Peptíðmjólk/amínósýrublanda (sérfæði) vegna ofnæmis fyrir mjólk verða eftirfarandi breytingar:

   1. Í stað orðanna "eða barnaofnæmislækni" í 2. málsl. 1. mgr. kemur: barnaofnæmislækni eða meltingarlækni.
   2. Orðin "og 15.900 kr. fyrir börn 2ja til 18 ára" í 2. mgr. falla brott.
6. Flokkur 98 06 27 Glútensnautt fæði (sérfæði) vegna ofnæmis/óþols fyrir hveiti fellur brott.

3. gr. Gildistaka.

Reglugerð þessi, sem sett er með stoð í 1. mgr. 27. gr. laga nr. 112/2008, um sjúkratryggingar, öðlast gildi 1. janúar 2011.

Heilbrigðisráðuneytinu, 15. desember 2010.

Guðbjartur Hannesson.

Guðríður Þorsteinsdóttir.