Reglugerð um (3.) breytingu á reglugerð nr. 960/2016 um gæði eldsneytis.

Aðferð til útreiknings og skýrslugjafar birgja varðandi styrk gróðurhúsalofttegunda úr eldsneyti og orku á vistferlinum.

I. HLUTI Útreikningur birgis á styrk gróðurhúsalofttegunda úr eldsneyti og orku.

Styrkur gróðurhúsalofttegunda úr eldsneyti og orku er gefinn upp í grömmum af koltvísýringsígildi á hvert MJ (e. mega joule) af eldsneyti (gCO_2eq/MJ).

1. Gróðurhúsalofttegundir, sem tekið er tillit til í þeim tilgangi að reikna út styrk gróðurhúsalofttegunda úr eldsneyti, eru koltvísýringur (CO₂), nituroxíð (N₂O) og metan (CH₄). Að því er varðar útreikning á jafngildi koltvísýrings er losun þessara lofttegunda metin með tilliti til losunar jafngildiseininga koltvísýrings á eftirfarandi hátt
   
   Koltvísýringur: 1; Metan: 25; Nituroxíð: 298
2. Ekki er tekið tillit til losunar frá framleiðslu á vélum og búnaði sem er notaður við vinnslu, framleiðslu, hreinsun og notkun á jarðefnaeldsneyti við útreikning á gróðurhúsalofttegundum.

3. Styrkur gróðurhúsalofttegunda úr losun gróðurhúsalofttegunda á vistferli alls eldsneytis og orku sem birgir útvegar skal reiknaður út í samræmi við formúluna hér á eftir:
   Styrkur gróðurhúsalofttegunda birgis (#) =

   þar sem:

   1. „#“: auðkenning birgisins (þ.e. auðkenning á aðilanum sem er ábyrgur fyrir greiðslu á vörugjaldi) sem er skilgreint í reglugerð framkvæmdastjórnarinnar (EB) nr. 684/2009 frá 24. júlí 2009 um framkvæmd tilskipunar ráðsins 2008/118/EB að því er varðar málsmeðferðarreglur á tölvutæku formi um flutning vara sem bera vörugjald með tímabundinni frestun á vörugjaldi sem vörugjaldsnúmer kaupmanns (SEED-skráningarnúmer (gagnaskiptakerfi fyrir vörugjöld) eða virðisaukaskattsnúmer (VSK) í a-lið 5. liðar í töflu 1 í I. viðauka við þá reglugerð að því er varðar kóða ákvörðunarstaðar 1 til 5 og 8) sem er einnig sá aðili sem er ábyrgur fyrir greiðslu á vörugjaldi í samræmi við 8. gr. tilskipunar ráðsins 2008/118/EB frá 16. desember 2008 um almennt fyrirkomulag á vörugjaldi og um niðurfellingu tilskipunar 92/12/EBE þegar vörugjaldið er orðið skuldfæranlegt í samræmi við 2. mgr. 7. gr. tilskipunar 2008/118/EB. Ef þessi auðkenning er ekki fyrir hendi skulu aðildarríkin tryggja að komið sé á jafngildri aðferð til auðkenningar í samræmi við landsbundin vörugjaldaskýrslugjafarkerfi.
   2. „x“: tegundir eldsneytis og orku sem falla undir gildissvið þessarar tilskipunar, eins og lýst er í c-lið 17. liðar í töflu 1 í I. viðauka við reglugerð (EB) nr. 684/2009. Ef þessi gögn liggja ekki fyrir skulu aðildarríkin safna jafngildum gögnum í samræmi við vörugjaldaskýrslugjafarkerfi sem komið er á fót á landsvísu.

   3. „MJ“: heildarorka sem er afhent og umbreytt úr uppgefnu magni eldsneytis „x“, gefið upp í MJ. Þetta er reiknað út á eftirfarandi hátt:

      1. Magn hvers eldsneytis eftir gerð þess
         
         Þetta er leitt út frá gögnum sem gefin er skýrsla um skv. d-, f- og o-lið 17. liðar í töflu 1 í I. viðauka við reglugerð (EB) nr. 684/2009. Lífeldsneytismagnið er umreiknað í orkuinnihald á grundvelli lægra brunagildis þess samkvæmt orkuinnihaldinu sem sett er fram í III. viðauka við tilskipun 2009/28/EB. Magn eldsneytis af ólífrænum uppruna er umreiknað í orkuinnihald á grundvelli lægra brunagildis þess samkvæmt orkuinnihaldi sem sett er fram í 1. viðbæti við skýrslu Sameiginlegu rannsóknarmiðstöðvarinnar, EUCAR-CONCAWE (JEC) (¹) Well-to-Tank, (4. útgáfa) frá júlí 2013 (²),
      2. Samtímasamvinnsla á jarðefnaeldsneyti og lífeldsneyti
         
         Vinnslan tekur til allra breytinga á vistferli afhents eldsneytis eða orku sem veldur breytingum á sameindabyggingu vörunnar. Viðbót fyllingarefnis fellur ekki undir þessa vinnslu. Magn lífeldsneytis sem er unnið í samvinnslu með eldsneyti af ólífrænum uppruna endurspeglar eftirvinnslustöðu lífeldsneytisins. Magn samvinnsluunnins lífeldsneytis er ákvarðað samkvæmt orkujöfnuði og skilvirkni samvinnsluferlisins eins og sett er fram í 17. lið í C-hluta IV. viðauka við tilskipun 98/70/EB.
         
         Ef margs konar lífeldsneyti er blandað saman við jarðefnaeldsneyti skal taka tillit til magns og tegundar hvers lífeldsneytis við útreikning og skýrslugjöf birgja til aðildarríkjanna.
         
         Magn afhents lífeldsneytis, sem uppfyllir ekki viðmiðanir um sjálfbærni sem um getur í 1. mgr. 7. gr. b. í tilskipun 98/70/EB, er talið sem jarðefnaeldsneyti.
         
         E85 bensín-etanólblanda skal reiknuð sem aðskilið eldsneyti að því er varðar 6. gr. reglugerðar Evrópuþingsins og ráðsins (EB) nr. 443/2009 frá 23. apríl 2009 um að setja staðla um mengunarvarnargetu nýrra fólksbifreiða sem hluta af samþættri stefnu Bandalagsins um að draga úr losun koltvísýrings frá léttum ökutækjum.
         
         Ef magninu er ekki safnað í samræmi við reglugerð (EB) nr. 684/2009 skulu aðildarríkin safna jafngildum gögnum í samræmi við vörugjaldaskýrslugjafarkerfi sem komið er á fót á landsvísu.
      3. Magn rafmagns sem er notað
         
         Þetta er það magn rafmagns sem er notað í ökutæki eða bifhjól þegar birgir gefur skýrslu um þetta magn orku til viðeigandi yfirvalds í hverju aðildarríki í samræmi við eftirfarandi formúlu: Notað rafmagn = ekin vegalengd (km) × nýtni raforkunotkunar (MJ/km).
         
         (¹) JEC-samstarfsaðilarnir sameina sameiginlega rannsóknarmiðstöð framkvæmdastjórnarinnar (JRC), EUCAR (European Council for Automotive R&D) og CONCAWE (Evrópusamtök olíufélaga um umhverfismál, heilbrigði og öryggi við hreinsun og dreifingu)
         (²) http://iet.jrc.ec.europa.eu/about-jec/sites/about-jec/files/documents/report_2013/wtt_report_v4_july_2013_final.pdf.

   4. Minnkun losunar á fyrri stigum (UER)

      „Minnkun losunar á fyrri stigum“ (UER) er minnkun losunar gróðurhúsalofttegunda á fyrri stigum sem birgir gefur upp, mæld í gCO_2eq, ef hún er magngreind og tilkynnt um hana í samræmi við eftirfarandi kröfur:

      1. Hæfi
         
         Minnkun losunar á fyrri stigum skal einungis eiga við um hluta losunar á fyrri stigum af meðaltali staðalgilda fyrir bensín, dísilolíu, þjappað jarðgas eða fljótandi jarðolíugas.
         
         Telja má minnkun losunar á fyrri stigum, sem kemur frá hvaða landi sem er, sem minnkun á losun gróðurhúsalofttegunda m.t.t. eldsneytis frá hvaða hráefnisuppsprettu sem er, afhent af hvaða birgi sem er.
         Minnkun losunar á fyrri stigum skal einungis teljast með ef hún tengist verkefnum sem hófust eftir 1. janúar 2011.
         
         Ekki er nauðsynlegt að sanna að minnkun losunar á fyrri stigum hefði ekki átt sér stað án skýrslugjafarkrafnanna sem settar eru fram í 7. gr. a í tilskipun 98/70/EB.
      2. Útreikningur
         
         Meta skal minnkun losunar á fyrri stigum og fullgilda í samræmi við meginreglur og staðla sem eru skilgreindir í alþjóðlegum stöðlum, einkum ISO 14064, ISO 14065 og ISO 14066.
         
         Vakta skal minnkun losunar á fyrri stigum og viðmiðunarlosun, gera grein fyrir þeim í skýrslum og sannprófa í samræmi við ISO 14064 og niðurstöðurnar skulu vera ámóta traustar og samkvæmt reglugerð framkvæmdastjórnarinnar (ESB) nr. 600/2012 frá 21. júní 2012 um sannprófun á skýrslum um losun gróðurhúsalofttegunda og skýrslum um tonnkílómetra og faggildingu sannprófenda samkvæmt tilskipun Evrópuþingsins og ráðsins 2003/87/EB og reglugerð framkvæmdastjórnarinnar (ESB) nr. 601/2012 frá 21. júní 2012 um vöktun á losun gróðurhúsalofttegunda og skýrslugjöf um losunina samkvæmt tilskipun Evrópuþingsins og ráðsins 2003/87/EB. Sannprófun á aðferðum til að meta minnkun losunar á fyrri stigum skal fara fram í samræmi við ISO 14064-3 og stofnunin sem sannprófar þetta verður að hafa hlotið faggildingu í samræmi við ISO 14065.

   5. „GHGi_x“ er styrkur gróðurhúsalofttegundar úr eldsneyti eða orku „x“ gefinn upp í gCO_2eq/MJ. Birgjar skulu reikna út styrk gróðurhúsalofttegunda úr hverju eldsneyti eða orku á eftirfarandi hátt:

      1. Styrkur gróðurhúsalofttegunda úr eldsneyti af ólífrænum uppruna er „veginn styrkur gróðurhúsalofttegunda á vistferlinum“ eftir gerð eldsneytis, sem er tilgreint í aftasta dálki töflunnar undir 5. lið í 2. hluta þessa viðauka.
      2. Rafmagn er reiknað út eins og lýst er í 6. lið í 2. hluta.
      3. Styrkur gróðurhúsalofttegunda úr lífeldsneyti
         
         Styrkur gróðurhúsalofttegunda úr lífeldsneyti, sem uppfyllir viðmiðanir um sjálfbærni sem um getur í 1. mgr. 7. gr. b í tilskipun 98/70/EB, er reiknaður út í samræmi við 7. gr. d í þeirri tilskipun. Ef um er að ræða gögn um losun gróðurhúsalofttegunda á vistferli lífeldsneytis sem fengust í samræmi við samkomulag eða áætlun sem byggist á ákvörðun skv. 7. gr. c (4. mgr.) í tilskipun 98/70/EB sem tekur til 7. gr. b (2. mgr.) í þeirri tilskipun skal einnig nota þessi gögn til að ákvarða styrk gróðurhúsalofttegunda úr lífeldsneyti skv. 7. gr. b (1. mgr.) í sömu tilskipun. Styrkur gróðurhúsalofttegunda úr lífeldsneyti, sem ekki uppfyllir viðmiðanir um sjálfbærni sem um getur í 1. mgr. 7. gr. b í tilskipun 98/70/EB, jafngildir styrk gróðurhúsalofttegundar úr viðeigandi jarðefnaeldsneyti sem er unnið úr hefðbundinni jarðolíu eða gasi.
      4. Samtímasamvinnsla á eldsneyti af ólífrænum uppruna og lífeldsneyti
         
         Styrkur gróðurhúsalofttegunda úr lífeldsneyti sem er unnið í samvinnslu með jarðefnaeldsneyti skal endurspegla eftirvinnslustöðu lífeldsneytisins,
   6. „AF“ stendur fyrir leiðréttingarstuðla fyrir skilvirkni aflrása:

II. HLUTI Skýrslugjöf birgja varðandi annað eldsneyti en lífeldsneyti

1. Minnkun losunar á fyrri stigum úr jarðefnaeldsneyti

   Til þess að minnkun losunar á fyrri stigum sé gild, að því er varðar skýrslugjöfina og reikniaðferðina, skulu birgjar gefa skýrslu um eftirfarandi til yfirvaldsins sem aðildarríkin tilnefna:

   1. upphafsdag verkefnisins, sem verður að vera eftir 1. janúar 2011,
   2. árlega losunarskerðingu í gCO_2eq,
   3. hversu lengi uppgefin minnkun stóð yfir,
   4. staðsetningu verkefnis sem er næst uppsprettu losunarinnar í breiddar- og lengdarhnitum í gráðum með fjórum aukastöfum,
   5. lágmarkslosun árlega áður en ráðstöfunum til minnkunar var komið á og árleg losun eftir að ráðstafanir til minnkunar hafa verið gerðar, í gCO_2eq/MJ af hráefni sem er framleitt,
   6. einnota númer skírteinis sem auðkennir áætlunina á einkvæman hátt og uppgefna minnkun á losun gróðurhúsalofttegunda,
   7. einnota númer sem auðkennir reikniaðferðina á einkvæman hátt og tengda áætlun,
   8. ef verkefnið tengist olíuvinnslu: árlegt meðaltal, rannsóknarsögulegt og á skýrslugjafarárinu, hlutfalls milli gass og olíu (GOR) í lausn, þrýstings á staðnum þar sem hún er tekin, dýpt og borholuframleiðsluhlutfall jarðolíunnar.

2. Uppruni

   „Uppruni“: viðskiptaheiti hráefnis sem er tilgreint í 7. lið í 2. hluta þessa viðauka en einungis ef birgjar búa yfir nauðsynlegum upplýsingum vegna:

   1. þess að þeir eru aðilar eða félag sem flytur jarðolíu inn frá þriðju löndum eða fær afhenta jarðolíu frá öðru aðildarríki skv. 1. gr. reglugerðar ráðsins (EB) nr. 2964/95 frá 20. desember 1995 um að taka upp skráningu vegna innflutnings og afgreiðslu á hráolíu í Bandalaginu eða
   2. fyrirkomulags um að deila upplýsingum, sem þeir hafa samið um við aðra birgja.
      
      Í öllum öðrum tilvikum vísar uppruni til þess hvort eldsneytið er upprunnið innan ESB eða utan þess.
      
      Þær upplýsingar sem birgjar safna og gefa skýrslu um til aðildarríkjanna, að því er varðar uppruna eldsneytisins, skulu bundnar trúnaði en þetta skal ekki koma í veg fyrir birtingu framkvæmdastjórnarinnar á almennum upplýsingum eða upplýsingum í formi yfirlits sem innihalda ekki nánari upplýsingar sem tengjast einstaka fyrirtækjum. Að því er varðar lífeldsneyti merkir „uppruni“ framleiðsluferli lífeldsneytis eins og sett er fram í IV. viðauka.
      
      Ef margs konar hráefni er notað skulu birgjar gefa skýrslu um magnið í tonnum af fullunninni vöru af hverju hráefni sem er framleitt í viðkomandi vinnslustöð á skýrslugjafarárinu.
3. Innkaupsstaður
   
   „Innkaupsstaður“: land og heiti vinnslustöðvarinnar þar sem síðasta, verulega umbreytingin á eldsneytinu eða orkunni átti sér stað, sem ákvarðar uppruna eldsneytisins eða orkunnar í samræmi við reglugerð framkvæmdastjórnarinnar (EBE) nr. 2454/93 frá 2. júlí 1993 um ákvæði til framkvæmdar reglugerðar ráðsins (EBE) nr. 2913/92 um tollalög Bandalagsins.
4. Lítil og meðalstór fyrirtæki
   
   Sem undanþága fyrir birgja sem eru lítil og meðalstór fyrirtæki: „uppruni“ og „innkaupsstaður“ eru annaðhvort innan ESB eða utan þess, eins og við á, óháð því hvort þeir flytja inn jarðolíu eða afhenda jarðolíu og olíu sem fæst úr bikkenndu efni.
5. Meðaltal fyrir staðalgildi styrks gróðurhúsalofttegunda á vistferlinum að því er varðar eldsneyti annað en lífeldsneyti og rafmagn.

6. Rafmagn

   Vegna skýrslugjafar orkubirgja varðandi rafmagn, sem rafknúin ökutæki og bifhjól nota, skulu aðildarríkin reikna út landsbundið meðaltal staðalgilda á vistferlinum í samræmi við viðeigandi alþjóðlega staðla.

   Að öðrum kosti er aðildarríkjunum heimilt að leyfa birgjum sínum að fastsetja styrkgildi gróðurhúsalofttegunda (gCO_2eq/MJ) fyrir rafmagn samkvæmt gögnum sem aðildarríkin gefa skýrslu um á grundvelli eftirfarandi:

   1. Reglugerð Evrópuþingsins og ráðsins (EB) nr. 1099/2008 frá 22. október 2008 um hagskýrslur um orkumál.
   2. Reglugerð Evrópuþingsins og ráðsins (ESB) nr. 525/2013 frá 21. maí 2013 um fyrirkomulag við vöktun og skýrslugjöf að því er varðar losun gróðurhúsalofttegunda og skýrslugjöf að því er varðar aðrar upplýsingar á landsvísu og á vettvangi Sambandsins sem varða loftslagsbreytingar og um niðurfellingu á ákvörðun nr. 280/2004/EB, eða
   3. framseld reglugerð framkvæmdastjórnarinnar (ESB) nr. 666/2014 frá 12. mars 2014 um að koma á efnislegum kröfum varðandi skráningarkerfi Sambandsins og taka til greina breytingar á hnatthlýnunarmætti og alþjóðlega samþykktar viðmiðunarreglur um skrár samkvæmt reglugerð Evrópuþingsins og ráðsins (ESB) nr. 525/2013.
7. Viðskiptaheiti hráefnis

Útreikningur á lágmarksstaðli fyrir jarðefnaeldsneyti.

Reikniaðferð

1. a) Lágmarksstaðall fyrir eldsneyti er reiknaður út á grundvelli meðalnotkunar Sambandsins á jarðefnaeldsneyti, bensíni, dísilolíu, fljótandi jarðolíugasi og þjöppuðu jarðgasi, á eftirfarandi hátt:
   Lágmarksstaðall fyrir eldsneyti =
   
   þar sem:
   
   „x“ er mismunandi eldsneyti og orka sem fellur undir gildissvið þessarar tilskipunar og eins og skilgreint er í töflunni hér á eftir.
   
   „GHGi_x“ er styrkur gróðurhúsalofttegunda úr árlegum birgðum af eldsneyti eða orku „x“ sem seld er á markaði, sem fellur undir gildissvið þessarar tilskipunar, gefinn upp sem gCO_2eq/MJ. Gildi fyrir jarðefnaeldsneyti, sem koma fram í 5. lið í 2. hluta V. viðauka, eru notuð.
   
   „MJ“ er heildarorka sem er afhent og umbreytt úr uppgefnu magni eldsneytis „x“, gefið upp í MJ.
2. b) Gögn um notkun
   Gögn um notkun, sem notuð eru við útreikning á gildunum, eru eftirfarandi:

Styrkur gróðurhúsalofttegunda. Lágmarksstaðall fyrir eldsneyti fyrir árið 2010 skal vera: 94,1 gCO_2eq/MJ.

Skýrslugjöf aðildarríkja til framkvæmdastjórnarinnar.

1. Eigi síðar en 31. desember árlega skulu aðildarríkin gefa skýrslu um gögnin sem eru tilgreind í 3. lið. Gefa skal skýrslu um gögn varðandi allt eldsneyti og alla orku sem sett er á markað í hverju aðildarríki. Ef mörgum tegundum lífeldsneytis er blandað við jarðefnaeldsneyti skal gefa upp gögn fyrir hvert lífeldsneyti.
2. Gefa skal sérstaka skýrslu um gögnin sem tilgreind eru í 3. lið að því er varðar eldsneyti eða orku sem birgjar setja á markað í tilteknu aðildarríki (þ.m.t. samstarfsbirgjar í einu aðildarríki).

3. Að því er varðar hvert eldsneyti og hverja orku skulu aðildarríkin gefa framkvæmdastjórninni skýrslu um eftirtalin gögn, samanlögð skv. 2. lið og eins og skilgreint er í V. viðauka:

   1. tegund eldsneytis eða orku,
   2. rúmmál eða magn eldsneytis eða rafmagns,
   3. styrkur gróðurhúsalofttegunda,
   4. minnkun losunar á fyrri stigum,
   5. uppruni,
   6. innkaupsstaður.

Sniðmát fyrir skýrslugjöf um upplýsingar vegna samkvæmni í tilkynntum gögnum.

Eldsneyti – Stakir birgjar

Eldsneyti – Samstarfsbirgjar

Rafmagn

Upplýsingar um samstarfsbirgja

Uppruni – Stakir birgjar⁸

Uppruni – Samstarfsbirgjar⁸

Innkaupsstaður⁹

Heildarorka sem gefin er skýrsla um og minnkun sem næst fram eftir aðildarríki

Athugasemdir um sniðmát

Sniðmátið fyrir skýrslugjöf birgjanna er nákvæmlega eins og sniðmátið fyrir skýrslugjöf aðildarríkjanna.

Ekki þarf að fylla inn í skyggða reiti.

1. Auðkenning birgja er skilgreind í a-lið 3. liðar í 1. hluta V. viðauka.
2. Magn eldsneytis er skilgreint í c-lið 3. liðar í 1. hluta V. viðauka.
3. API-efnisþyngd (American Petroleum Institute (API)) er skilgreind samkvæmt prófunaraðferð ASTM D287.
4. Styrkur gróðurhúsalofttegunda er skilgreindur í e-lið 3. liðar í 1. hluta V. viðauka.
5. Minnkun losunar á fyrri stigum er skilgreind í d-lið 3. liðar í 1. hluta V. viðauka; nákvæm skilgreining á skýrslugjöf er skilgreind í 1. lið 2. hluta V. viðauka.
6. Magn rafmagns er skilgreint í 6. lið 2. hluta V. viðauka.
7. Tegundir eldsneytis og samsvarandi SN-númer eru skilgreind í b-lið 3. liðar í 1. hluta V. viðauka.
8. Uppruni er skilgreindur í 2. og 4. lið í 2. hluta V. viðauka.
9. Innkaupsstaður er skilgreindur í 3. og 4. lið í 2. hluta V. viðauka.
10. Heildarmagn orku (eldsneyti og rafmagn) sem er notað.