12. maí 2023

MPX veirusýking (apabóla) er ekki lengur bráð ógn við lýðheilsu þjóða samkvæmt WHO

Alþjóðaheilbrigðismálastofnunin (WHO) lýsti því yfir í gær að MPX veirusýking (apabóla) er ekki lengur bráð ógn við lýðheilsu þvert á landamæri (public health event of international concern; PHEIC) en slíku ástandi var lýst yfir í júlí 2022. Síðustu mánuði hefur dregið mjög úr fjölda tilfella og ekki orðið vart við ný einkenni eða alvarlegri veikindi en áður. Áfram þarf að sýna árvekni gagnvart sjúkdómnum en horfa nú til langs tíma.

8. maí 2023

COVID-19 ekki lengur talin bráð ógn við lýðheilsu samkvæmt WHO

Alþjóðaheilbrigðismálastofnunin (WHO) hefur aflýst skilgreiningu á COVID-19 sem bráðri ógn við lýðheilsu þjóða en slíku ástandi var lýst yfir skv. alþjóðaheilbrigðisreglugerðinni í lok janúar 2020*. Slík skilgreining nýtist WHO og alþjóða samfélaginu við að samhæfa aðgerðir og er tilefni til að bregðast við með samstilltu átaki til að stöðva útbreiðslu sjúkdóms á milli landa.

8. maí 2023

Mat á áhrifum aðgengis barna og ungmenna að klámi

Embættið landlæknis hefur nú gefið út skýrsluna Mat á áhrifum af stafrænu aðgengi barna og ungmenna að klámi á heilsu þeirra og líðan.