Foreldragreiðslur vegna langveikra eða alvarlega fatlaðra barna

Foreldrar í námi

Ef foreldri getur ekki sinnt námi vegna þess að barn þess þarfnast verulegrar umönnunar vegna alvarlegra og langvinna sjúkdóma eða alvarlegrar fötlunar og:

hefur verið í 75 til 100% námi í að að minnsta kosti 6 mánuði á síðustu 12 mánuðum áður en barnið greindist
þarf að gera hlé á námi í eina önn eða lengur til að annast barnið

er hægt að sækja um foreldragreiðslur.

Upphæð

Árið 2024 er upphæðin:

297.090 krónur á mánuði fyrir skatt

Foreldragreiðslur eru skattskyldar.

Greitt er þegar önn viðkomandi skóla er lokið og staðfest að foreldri hafi gert hlé á námi.

Tekjuáætlun

Upphæðir foreldragreiðslna eru tengdar tekjum. Því er mikilvægt að tekjuáætlun þín sé alltaf rétt. Umönnunargreiðslur vegna langveikra og fatlaðra barna hafa ekki áhrif til lækkunar.

Ekki er heimilt að vera í launuðu starfi eða námi á sama tíma og foreldri er á námsmannagreiðslum

Eyðublað fyrir tekjuáætlun foreldragreiðslna

PDF

Umsóknarferli

Fylgigögn

Til að sækja um foreldragreiðslur þarftu:

læknisvottorð þar sem kemur fram greining, meðferð og umönnunarþörf barnsins
greinargerð frá fagaðila, til dæmis félagsráðgjafa ef við á
vottorð frá skóla um að þú hafir gert hlé á námi ásamt upplýsingum um fyrri námsvist
tekjuálætlun
staðfesting frá Vinnumálastofnun eða Fæðingarorlofssjóði ef við á

Heimilt er að samþykkja greiðslur í allt að 3 mánuði. Mögulegt er að framlengja greiðslur að þeim tíma loknum með því að sækja um grunngreiðslur.

Svona sækir þú um

Smelltu á Sækja um
Skráðu þig inn með rafrænum skilríkjum
Veldu Umsóknir
Hakaðu við flokkinn Fjölskyldur
Veldu umsóknina Foreldragreiðslur
Fylltu út umsóknina og hengdu við fylgigögn ef þú ert með þau tiltæk.
Smelltu á Senda umsókn

Athugaðu að skrá frá hvaða tíma sótt er um.

Vinnslutími hefst þegar öll nauðsynleg gögn hafa borist til að vinna úr umsókn þinni. Ef það vantar gögn þá færð þú skilaboð um það á Mínum síðum TR.

Umsóknir eru almennt samþykktar frá fyrsta degi næsta mánaðar eftir að öll skilyrði eru uppfyllt og öll fylgigögn hafa borist.

Þú getur fylgst með stöðu umsókna á Mínum síðum undir Staða umsókna.

Mál	Áætlaður vinnslutími er allt að
Foreldragreiðslur vegna langveikra eða alvarlega fatlaðra barna	4 til 6 vikur
Umönnunargreiðslur vegna langveikra og fatlaðra barna	4 til 6 vikur
Greiðslur til einstæðra foreldra - mæðra- og feðralaun	4 til 6 vikur
Barnalífeyrir	4 til 6 vikur
Barnalífeyrir vegna sérstakra útgjalda	4 til 6 vikur
Barnalífeyrir vegna náms eða starfsþjálfunar	4 til 6 vikur
Framlag vegna náms eða starfsþjálfunar	4 til 6 vikur
Meðlag	4 til 6 vikur
Bráðabirgðameðlag vegna ófeðraðs barns	4 til 6 vikur
Sérstök framlög með barni	4 til 6 vikur

Afturvirkni umsókna

Almennt er hægt að sækja allt að 2 ár aftur í tímann en skila þarf gögnum fyrir það tímabil.

Meðlag er hægt að sækja um allt að 1 ár aftur í tímann.

Ef ekki er tilgreint frá hvaða tíma er sótt um er miðað við að greiðslur hefjist fyrsta dag næsta mánaðar eftir að umsókn berst.

Niðurstaða

Þegar niðurstaða liggur fyrir færðu tölvupóst og tilkynningu á Mínum síðum TR undir Mín skjöl.

Þar getur þú einnig séð upphæðir út árið í greiðsluáætlun.

Ef þú ert ósammála ákvörðuninni getur þú:

óskað eftir rökstuðningi á Mínum síðum TR,
sent erindi til umboðsmanns viðskiptavina TR ,
eða kært úrskurðinn til úrskurðarnefndar velferðarmála.

Fyrirkomulag greiðslna

Foreldragreiðslur eru greiddar þegar önn viðkomandi skóla er lokið og staðfest að foreldri hafi gert hlé á námi.

Greitt er eftirá fyrsta dag hvers mánaðar. Þú færð upphæðina inn á bankareikninginn sem gefinn er upp á Mínum síðum.

Ef greiðslur eru samþykktar afturvirkt er inneign greidd út eins fljótt og auðið er.

Réttur fellur niður

Foreldri fær ekki foreldragreiðslur ef:

réttur til atvinnuleysisbóta er til staðar
veikindaréttur frá vinnuveitanda eða úr sjúkrasjóði stéttarfélags er til staðar
foreldri er í fæðingarorlofi eða fær fæðingarstyrk vegna sama barns og sótt er um vegna
foreldri er lífeyrisþegi hjá TR

Þjónustuaðili

Tryggingastofnun