Stofnarnir og opinberir aðilar sem vilja efla sína stafrænu þjónustu geta sótt um samstarf við Stafrænt Ísland og fengið ráðgjöf og liðsinni við greiningu, innleiðingu og breytingastjórnun sem tengist stafrænni vegferð.  
 
Ráðgjöf Stafræns Íslands er stofnunum að kostnaðarlausu og er klæðaskerasniðin að þörfum viðkomandi rekstrar og hlutverki stofnunarinnar.

Stafrænt Ísland vinnur að þróun fjölbreyttra stafrænna lausna í samvinnu við landslið Íslands í hugbúnaðargerð. Stofnanir og opinberir aðilar geta nýtt sér þessar kjarnaþjónustur Stafræns Íslands til að hraða stafrænni umbreytingu.

Kjarnavörur:

• Stafrænt pósthólf og tilkynningar

• Umsóknakerfi

• Straumurinn

• Þjónustukerfi

• Innskráningarþjónusta

Ávinningur fyrir stofnanir felst ekki aðeins í bættri þjónustu við almenning og tímasparnaði starfsfólks heldur einnig í aukinni samvinnu stofnana og samrekstri, öryggi og aðgengi fyrir alla.

Efling stafrænnar þjónustu er eitt af forgangsmálum stjórnvalda og unnið er að því að stafræn samskipti verði meginsamskiptaleið almennings við hið opinbera. 

Þróun á nýjum stafrænum lausnum

Samstarfsverkefni eru valin og þeim forgangsraðað eftir ávinningi þeirra, meðal annars út frá fjölda notenda sem þjónustan mun hafa áhrif á og umfang verkefna innan stofnana. Slíkt gerir Stafrænu Íslandi kleift að forgangsraða umsóknum og flýta afgreiðslu þeirra. 
 
Dæmi um verkefni sem eru þróuð í samstarfi við stofnanir: 

• Vefur stofnana á Ísland.is. Stofnanir sem eru komnar á Ísland.is. 

• Umsókn um fæðingarorlof

• Upplýsingavefur um Framhaldsskólanám

• Gerð vegvísis um stafræn skref stofnunar

Hvað gerist næst: 

• Innsendar umsóknir um nýþróun eru teknar fyrir mánaðarlega. 

• Formlegt svar, samþykkt eða hafnað sent til umsækjanda. 

Ef þú ert með fyrirspurn varðandi samstarf við Ísland.is sendu okkur línu á netfangið island@island.is.