Starfsleyfi bílaleigu

Þeir sem vilja leigja út skráningarskyld ökutæki án ökumanns þurfa starfsleyfi frá Samgöngustofu.

Ferlið

Fylgigögn

Mikilvægt er að skila inn öllum fylgigögnum með umsókn.

• Sakavottorð forsvarsmanns

• Starfsábyrgðartrygging frá viðurkenndu tryggingarfélagi

• Búsforræðisvottorð forsvarsmanns

• Staðfesting á að samanlagðar skuldir umsækjanda vegna opinberra gjalda, skatta og iðgjalda í lífeyrissjóð séu ekki hærri en 500.000 kr. Skuldleysisvottorð eða Skatturinn og viðeigandi lífeyrissjóður

• Staðfesting á að skuld með iðgjöld við viðeigandi lífeyrissjóð sé ekki meiri en 500.000 kr. samanlagt við opinberar skuldir

• Fastanúmer þeirra ökutækja sem áætluð eru til útleigu. Ökutækin þurfa að vera skráð á umsækjanda

• Ef umsækjandi hefur verið með skráð lögheimili erlendis þarf einnig að skila sakavottorði frá viðkomandi landi/löndum

Umsækjandi þarf að hafa tilkynnt starfsrekstur til Skattsins. Atvinnugreinaflokkun viðkomandi reksturs þarf að tengjast atvinnugreininni með einhverjum hætti.

Afgreiðsla umsókna

• Samgöngustofa gefur út starfsleyfi þegar öllum skilyrðum er fullnægt og að fenginni jákvæðri umsögn sveitarfélags.

• Þegar gögn vantar með umsókn eða skilyrðum er ekki fullnægt lætur Samgöngustofa vita með tölvupósti.

• Ökutækjaleiga skal hafa geymslustað þar sem skráningarskyld ökutæki eru geymd. Afgreiðsla umsókna um starfsleyfi er háð þeim tíma sem viðkomandi sveitarfélag tekur til að veita umsögn um geymslustað. Beiðni um umsögn er send þegar öll gögn vegna umsóknar hafa borist til Samgöngustofu. Óskað er eftir umsögn sveitarfélags innan 30 daga.

Kostnaður

• Kostnaður við starfsleyfi bílaleigu er samkvæmt gjaldskrá Samgöngustofu og er 138.865 krónur.

• Greiða þarf fyrir þau vottorð og gögn sem afla þarf hjá öðrum stofnunum.