Starfsleyfi einkaleigu

Þeir sem vilja stunda einkaleigu, það er leigja út eigin skráningarskyld ökutæki í gegnum leigumiðlun að jafnaði til skemmri tíma, þurfa starfsleyfi frá Samgöngustofu samkvæmt lögum og reglum um bílaleigur.

Ferlið

Fylgigögn

• Sakavottorð forsvarsmanns

• Búsforræðisvottorð forsvarsmanns

• Starfsábyrgðartrygging frá viðurkenndu tryggingarfélagi

• Staðfesting á að skuld umsækjanda með opinber gjöld og skatta við innheimtuaðila ríkissjóðs sé ekki meiri en 500.000 kr. - Skuldleysisvottorð eða Skatturinn

• Staðfesting á að skuld með iðgjöld við viðeigandi lífeyrissjóð sé ekki meiri en 500.000 kr.

• Ef umsækjandi hefur verið með skráð lögheimili erlendis þarf einnig að skila sakavottorði frá viðkomandi landi/löndum

Hver einstaklingur getur verið með allt að tvö ökutæki á eigin kennitölu til útleigu í gegnum einkaleigu sem er með starfsleyfi í gildi.

Umsækjandi þarf að hafa tilkynnt starfsrekstur til Skattsins. Atvinnugreinaflokkun viðkomandi reksturs þarf að tengjast atvinnugreininni með einhverjum hætti.

Afgreiðsla umsókna

• Samgöngustofa gefur út starfsleyfi þegar öllum skilyrðum er fullnægt

• Þegar gögn vantar með umsókn eða skilyrðum er ekki fullnægt, lætur Samgöngustofa vita með tölvupósti.

• Afgreiðsla starfsleyfis einkaleigu er allt að 15 virkir dagar eftir að öll gögn hafa borist.

Kostnaður

• Kostnaður við starfsleyfi einkaleiga er samkvæmt gjaldskrá Samgöngustofu og er 92.576 krónur .

• Greiða þarf fyrir þau vottorð og gögn sem afla þarf hjá öðrum stofnunum.