Alþjóðleg vernd, réttur og ferill umsókna

Ef umsækjandi um alþjóðlega vernd vill draga umsókn sína til baka þarf hann að tilkynna Útlendingastofnun um þá ákvörðun. Slík tilkynning er yfirleitt send með aðstoð talsmanns umsækjandans, en umsækjandi getur einnig komið henni sjálfur á framfæri við Útlendingastofnun.

Dragi umsækjandi umsókn sína um alþjóðlega vernd til baka ber honum að yfirgefa Ísland. Geri hann það ekki eða geti það ekki af sjálfsdáðum verður honum vísað frá landinu eða brottvísað. Ef umsækjandi á rétt á annars konar leyfi hér á landi þarf hann að sækja sérstaklega um slíkt leyfi.