Þeir sem hafa fengið alþjóðlega vernd á Íslandi og dveljast löglega í landinu geta sótt um ferðaskírteini fyrir flóttamenn til ferða til útlanda.

Þeir sem sóttu um alþjóðlega vernd en fengu veitt dvalarleyfi af mannúðarástæðum geta sótt um vegabréf fyrir útlendinga (alien's passport), að öðrum skilyrðum uppfylltum.

Umsóknum er aðeins hægt að skila á pappírsformi, annað hvort í þar til gerðan skilakassa í anddyri Útlendingastofnunar að Dalvegi 18 í Kópavogi eða með því að senda umsókn í bréfpósti á sama heimilisfang. Einnig er hægt að leggja inn umsókn og greiða fyrir í afgreiðslu Útlendingastofnunar eða hjá embættum sýslumanna utan höfuðborgarsvæðisins.

Umsókn skal vera í frumriti, vel útfyllt og undirrituð af umsækjanda eða forsjáraðila/aðilum ef sótt er um fyrir barn yngra en 18 ára.