Vegabréf fyrir útlendinga (alien's passport)

Vegabréf fyrir útlendinga verður aðeins gefið út ef umsækjandi:

• er löglega búsettur á Íslandi og

• getur sýnt fram á

  • að hann geti ekki fengið ferðaskilríki frá heimaríki,

  • að hann sé ríkisfangslaus, eða

  • að hann eigi tímabókun hjá þar til bærum yfirvöldum, sendiráði eða ræðisskrifstofu, í þeim tilgangi að fá vegabréf frá heimaríki afhent.

Með umsóknareyðublaðinu þarftu að leggja fram:

Best er að hlaða eyðublaðinu niður og fylla út í tölvu.

Umsókn um vegabréf fyrir útlendinga þarf að leggja fram í frumriti á pappír.

Þeim má skila í þar til gerðan póstkassa í anddyri Útlendingastofnunar eða með því að senda umsókn í bréfpósti. Áður en það er gert er nauðsynlegt að greiða fyrir umsókn með millifærslu í banka og þarf greiðslukvittun að fylgja umsókn til staðfestingar, sjá upplýsingar um greiðslu afgreiðslugjalds.

Útlendingastofnun (sjá á korti)
Dalvegi 18
201 Kópavogi Ísland

Einnig er hægt að leggja inn umsókn og greiða fyrir í afgreiðslu Útlendingastofnunar eða hjá embættum sýslumanna utan höfuðborgarsvæðisins.

Kostnaður

• Afgreiðslugjald

  • 18 til 66 ára: 19.000 krónur

  • Börn, eldri borgarar og öryrkjar: 7.000 krónur

• Ógreidd umsókn verður endursend umsækjanda.

• Afgreiðslugjald er ekki endurgreitt þótt umsækjandi hætti við umsókn.

Eftir að umsóknir um vegabréf fyrir útlendinga hafa verið mótteknar og skráðar hjá Útlendingastofnun eru þær teknar til vinnslu í þeirri röð sem þær berast.

Stærstur hluti umsókna er afgreiddur innan sex vikna.

Það er mikilvægt að sýna þolinmæði á meðan beðið er eftir svari. Ekki fást upplýsingar varðandi umsóknina í síma, tölvupósti eða netspjalli á meðan umsóknin bíður þess að verða tekin til vinnslu. Ef umsókn er ófullnægjandi eða ef gögn vantar, hefur stofnunin samband við umsækjanda eða umboðsmann hans.

Mikilvægt!

Athugaðu að mikilvægt er að taka tillit til vinnslutíma umsókna hjá Útlendingastofnun þegar bóka á tíma hjá ræðisskrifstofu eða sendiráði. Ekki er ráðlagt að bóka flugmiða án þess að hafa gilt ferðaskilríki í fórum sér.

Þegar umsóknin hefur verið afgreidd hefur Útlendingastofnun samband og lætur þig vita hvaða skref þú þarft að taka næst.

Þegar umsókn um vegabréf fyrir útlendinga hefur verið samþykkt þarftu að mæta í myndatöku, annað hvort til Útlendingastofnunar, þar er nauðsynlegt að panta tíma, eða til sýslumanna utan höfuðborgarsvæðisins. Börn geta aðeins mætt í myndatöku fyrir vegabréf í fylgd forsjáraðila.

Athugaðu að ekki er hægt að taka mynd áður en umsókn er samþykkt.

Ef tilgangur vegabréfsins er að sækja vegabréf heimaríkis á ræðisskrifstofu eða í sendiráð verður þú að mæta í myndatökuna með undirritaða yfirlýsingu þess efnis að:

• um sé að ræða undanþágu og slíkt vegabréf verði ekki gefið út á ný,

• vegabréfið geti ekki verið notað til að sækja um dvalarleyfi eða ríkisborgararétt á Íslandi,

• vegabréfið gildi eingöngu til landsins sem ferðast er til í þeim tilgangi að sækja vegabréf heimaríkis og

• vegabréfið sé útgefið í takmarkaðan tíma (eigi lengur en 6 mánuði).

Yfirlýsingin verður send til þín þegar umsókn er samþykkt.

Afhending vegabréfs

Eftir að þú hefur mætt í myndatöku færðu tölvupóst um að umsókn um framleiðslu vegabréfs sé móttekin hjá Þjóðskrá Íslands.

Þegar vegabréfið hefur verið framleitt færðu annan tölvupóst með upplýsingum um afhendingarstað og áætlaðan afhendingartíma. Almennt eru vegabréf afhent um viku eftir að umsókn um framleiðslu berst til Þjóðskrár.

Ef umsókn um vegabréf fyrir útlendinga er synjað hefurðu 15 daga til að kæra ákvörðunina til kærunefndar útlendingamála.

Heimilt er að synja útgáfu vegabréfs fyrir útlendinga þegar:

• Ekki hafa verið lögð fram nauðsynleg fylgigögn.

• Ekki er staðfest hver umsækjandi er eða vafi leikur á um hver hann er.

• Umsækjandi er eftirlýstur af lögreglu, gefin hefur verið út handtökuskipun á hendur honum eða lagt á hann farbann. Fram er komin kæra á hendur umsækjanda fyrir refsivert brot sem ætla má að varði fangelsisrefsingu.

• Umsækjandi hefur hlotið endanlegan dóm fyrir mjög alvarlegt afbrot og er talinn hættulegur samfélaginu.

• Ástæður sem varða öryggi ríkisins eða stefnu stjórnvalda í utanríkismálum mæla gegn því.