Ef þú vilt sækja dvalarleyfiskort á annan stað en þangað sem þú fórst í myndatöku, þarftu að taka það fram í myndatökunni að afhendingarstaður eigi að vera annar.

Ef gleymst hefur að óska eftir öðrum afhendingarstað í myndatökunni, þarftu að senda skriflega beiðni þangað sem myndatakan fór fram um að dvalarleyfiskortið skuli sent á annan afhendingarstað.

Aðeins er hægt að velja afgreiðslu Útlendingastofnunar að Dalvegi 18 og sýslumannsembættin utan höfuðborgarsvæðisins sem afhendingarstaði dvalarleyfiskorts.