Sveitarstjórnarkosningar 2026
Skil á framboðum
Yfirkjörstjórnir sveitarfélaga taka á móti framboðum í hverju sveitarfélagi fyrir sig.
Mikilvægt er að framboð kynni sér hvenær og hvernig yfirkjörstjórnir sveitarfélaga taka á móti framboðum í því sveitarfélagi sem bjóða á fram í.
Gögn sem þurfa að fylgja framboðum:
Tilkynning um framboð, þar sem fram koma upplýsingar um heiti stjórnmálasamtakanna og listabókstaf þeirra, samkvæmt skrá dómsmálaráðuneytisins.
Ef stjórnmálasamtök hafa ekki listabókstaf skal óska eftir honum við yfirkjörstjórn sveitarfélagsins.
Upplýsingar um hverjir tveir menn séu umboðsmenn listans, ásamt samþykki þeirra.
Framboðslisti ásamt undirrituðu samþykki frambjóðenda fyrir því að fara í framboð.
Athugið að það er á ábyrgð framboðanna sjálfra að senda skjal í rafræna undirritun til að fá rafrænar undirritanir en einnig er heimilt að skrifa undir eigin hendi.
Yfirlýsing um stuðning við listann frá kjósendum í sveitarfélaginu - meðmæli.
Hægt er að taka skýrslu út úr meðmælakerfinu og skila með eða tiltaka ef meðmælum var safnað rafrænt.
Ef meðmælum er safnað á pappír þarf að skila frumriti til yfirkjörstjórnar sveitarfélagsins.
Mælst er til þess að frambjóðendur númeri hverja blaðsíðu og slái inn kennitölur meðmælenda í rafræna meðmælakerfið ef við á til þess að auðvelda yfirferð.
Ef einhverjar spurningar vakna geta framboð sett sig í samband við yfirkjörstjórn sveitarfélagsins eða landskjörstjórn á postur@landskjorstjorn.is eða í síma 540-7500.