Ríkisborgarar ríkja á EES- og EFTA-svæðinu þurfa að fylla út umsókn ef dvöl þeirra er til lengri tíma en sex mánaða. Umsóknin er bæði beiðni um lögheimilisskráningu og umsókn um íslenska kennitölu.
Einstaklingar sem sækja um með rafrænum skilríkjum verða að gera það með sínum eigin skilríkjum. Eigi umsækjandi ekki rafræn skilríki er hægt að skrá sig inn og hefja umsóknarferli með netfangi. Þegar umsóknarferli er hafið og búið er að ljúka fyrsta þrepi fær umsækjandi sendan tölvupóst með tilvísunarnúmeri. Hægt er að fara úr umsókninni á hvaða tíma sem er og klára seinna en til þess að komast í sömu umsókn þarf að skrá sig inn með tilvísunarnúmeri umsækjanda og netfangi. Þá kemur umsækjandi inn í umsóknina á sama stað og hann fór úr henni síðast.
Umsóknin á við um ríkisborgara frá: Austurríki, Belgíu, Búlgaríu, Eistlandi, Frakklandi, Grikklandi, Hollandi, Írlandi, Ítalíu, Króatíu, Kýpur, Lettlandi, Liechtenstein, Litháen, Lúxemborg, Möltu, Portúgal, Póllandi, Rúmeníu, Spáni, Slóvakíu, Slóveníu, Sviss, Tékklandi, Ungverjalandi og Þýskalandi.
Ef þú ert norrænn ríkisborgari frá: Danmörku (þar á meðal Færeyjar, Grænland og Álandseyjar), Finnlandi, Noregi eða Svíþjóð skaltu notast við eftirfarandi síðu: Ég er norrænn ríkisborgari.
Almennur afgreiðslutími er allt að 5 virkir dagar eftir að öllum gögnum hefur verið skilað inn.
Þjónustuaðili
ÞjóðskráTengd stofnun
Útlendingastofnun