Sakavottorð til yfirvalda

Tilteknir opinberir aðilar geta snúið sér beint til ríkissaksóknara og óskað eftir sakavottorði um einstaklinga og lögaðila, hafi þeir lögvarða hagsmuni af slíkum upplýsingum. 

Hvað kemur fram á sakavottorði til yfirvalda?

• Brot á almennum hegningarlögum.

• Brot á umferðarlögum ef refsing er sekt sem er hærri en 150.000 krónur, skilorðsbundið- eða óskilorðsbundið fangelsi, ákærufrestun eða réttindasviptingu.

• Önnur sérrefsilög ef refsing er sekt sem er hærri en 100.000 krónur, skilorðsbundið- eða óskilorðsbundið fangelsi, ákærufrestun eða réttindasviptingu.

• Brot þegar niðurstaða máls hefur ítrekunaráhrif á síðara brot.

Undantekningar

Í sakavottorði til yfirvalda skal ekki greina þær upplýsingar sem skráðar hafa verið þegar liðin eru 10 ár frá eftirtöldum tímamörkum:

• Lokum fangelsisrefsingar, afplánunar með samfélagsþjónustu eða reynslutíma reynslulausnar.

• Ráðstafanir samkvæmt almennum hegningarlögum, til dæmis vistun á heilbrigðisstofnun eða meðferðarheimili.

• Lokum réttindasviptingar eða endurveitingu ökuréttinda.

• Uppkvaðningu endanlegs dóms eigi ofangreind atriði ekki við.