Vinnumálastofnun sér um útreikninga og greiðslur atvinnuleysisbóta auk þess að halda skrá yfir laus störf og miðla þeim.

Stofnunin safnar einnig og miðlar upplýsingum um atvinnuástand, atvinnuleysi og framtíðarhorfur í atvinnugreinum. Ýmis úrræði eru skipulögð fyrir mismunandi hópa fólks án atvinnu eins og námskeið, endurhæfing og ráðgjöf.

Stór hluti þjónustu Vinnumálastofnunar snýr jafnframt að samskiptum við atvinnurekendur.

Vinnumálastofnun sér um útreikninga og greiðslur í fæðingarorlofi auk annars fjárhagslegs stuðnings til foreldra. Þar má nefna fæðingarstyrk, dvalarstyrk, ættleiðingarstyrk, sorgarleyfi og sorgarstyrk.

Einnig er haldið utan um skráningar í ólaunað foreldraorlof.

Fjölmenningarsvið Vinnumálastofnunar veitir ráðgjöf til innflytjenda.

Stofnunin þjónustar líka flóttafólk með milligöngu sveitarfélaga og veitir umsækjendum um alþjóðlega vernd grunnþjónustu eins og húsnæði og heilbrigðisþjónustu í neyðartilvikum.