Hafi umsókn þinni um dvalarleyfi verið synjað færðu 15 daga frest til þess að kæra ákvörðunina til kærunefndar útlendingamála. Kærufresturinn byrjar að líða þegar þú móttekur synjun Útlendingastofnunar.

Á vef kærunefndarinnar má finna upplýsingar og leiðbeiningar á síðunni Hvernig get ég kært.

Kærunefnd útlendingamála gerir ekki kröfur um ákveðið form kæru. Nauðsynlegt er þó að nafn og heimilisfang kæranda komi fram í kæru, sem og tölvupóstur og/eða sími, svo hægt sé að hafa samband við kæranda á meðan kærumálið er til meðferðar hjá nefndinni.

Kæruna má senda með tölvupósti á postur@knu.is eða í gegnum Signet transfer en ekki er þörf á að senda hana einnig bréfleiðis. Á heimasíðu nefndarinnar er einnig að finna kæruform.

Í það minnsta þarf að koma fram:

Ef þú sóttir um endurnýjun dvalarleyfis innan gildistíma fyrra leyfis þá frestar kæran réttaráhrifum synjunarinnar. Það þýðir að á meðan umsókn þín er til vinnslu hjá kærunefnd útlendingamála þá er staða þín sú sama og ef umsókn þinni hefði ekki verið synjað af Útlendingastofnun.

Ef þú sóttir ekki um endurnýjun dvalarleyfis innan gildistíma fyrra leyfis, frestar kæran ekki réttaráhrifum synjunarinnar. Það þýðir að þú þarft að yfirgefa Ísland innan frestsins sem þér var veittur í synjunni. Ef þú gerir það ekki verður dvöl þín hér á landi ólögmæt og getur það leitt til brottvísunar og endurkomubanns.

Ef þú sóttir um á meðan þú varst á Íslandi og fékkst frest til að yfirgefa landið, þarftu að fara frá Íslandi áður en fresturinn rennur út.

Ef þú gerir það ekki verður dvöl þín hér á landi ólögmæt og getur það leitt til brottvísunar og endurkomubanns.

Þú getur óskað eftir að fá til baka frumrit og afrit gagna sem þú hefur lagt fram hjá Útlendingastofnun. Þú getur einnig óskað eftir því að fá afrit af gögnum sem tengjast máli þínu hjá stofnuninni gegn greiðslu.

Beiðni um gögn | Útlendingastofnun