Í nýrri viðbót við reiknivél lífeyris á tr.is eru þrír greiðsluflokkar sem greitt verður samkvæmt frá og með 1. september 2025. Auk örorkulífeyris er því nú hægt að reikna út greiðslur vegna hlutaörorkulífeyris og sjúkra- og endurhæfingargreiðslna.

Í reiknivélinni geta viðskiptavinir sett inn eigin forsendur og séð hvernig þær hafa áhrif á mögulegar greiðslur þeirra samkvæmt nýju kerfi.

Við viljum einnig vekja athygli á að hægt er að sjá samanburð örorkulífeyrisgreiðslna miðað við núverandi kerfi og greiðslur frá 1. september 2025.