Tryggingastofnun
Þessi frétt er meira en árs gömul
Eingreiðsla til ellilífeyrisþega
2. desember 2024
Alþingi hefur samþykkt frumvarp um eingreiðslu til ellilífeyrisþega sem eru með 25 þúsund krónur eða minna í tekjur frá öðrum en TR á mánuði. Um 2.000 einstaklinga er að ræða sem mögulega eiga rétt á þessari greiðslu.
Full upphæð eingreiðslunnar er 70.364 kr. sem er greidd til þeirra sem áttu greiðslurétt alla mánuði ársins 2024. Fjárhæðin er svo hlutfölluð eftir fjölda mánaða sem lífeyrisþegi átti greiðslurétt á árinu. Sjá nánar um hlutfallsskiptingu í töflu hér að neðan.
Stefnt er að birtingu laga vegna eingreiðslunnar þann 5. desember n.k. og verður hún greidd strax í kjölfarið. Látið verður vita ef tafir verða á greiðslunni hér á síðunni og Facebook síðu TR.
Allir sem munu eiga rétt á eingreiðslu munu fá tilkynningu þess efnis á Mínum síðum TR.
Réttur til eingreiðslunnar verður endurskoðaður þegar endanlegar upplýsingar um tekjur ársins liggja fyrir við árlegt uppgjör sem mun almennt fara fram í maí 2025.
Tafla yfir greiðslurétt:
Fjöldi mánaða | Upphæð eingreiðslu |
|---|---|
1 | 5.864 krónur |
2 | 11.727 krónur |
3 | 17.591 krónur |
4 | 23.455 krónur |
5 | 29.318 krónur |
6 | 35.182 krónur |
7 | 41.046 krónur |
8 | 46.909 krónur |
9 | 52.773 krónur |
10 | 58.637 krónur |
11 | 64.500 krónur |
12 | 70.364 krónur |