ASÍ hefur um áratuga skeið afhent skjöl sín til Þjóðskjalasafns Íslands með það að markmiði að tryggja faglega langtímavarðveislu, öryggi gagna og aðgengi að sögulegum heimildum.

Árið 2002 afhenti ASÍ til Þjóðskjalasafns svokallað Sögusafn verkalýðshreyfingarinnar sem er mikið umfangs og geymir skjalasöfn verkalýðsfélaga hvaðanæva af landinu, auk skjalasafna einstaklinga og pólitískra félaga sem tengdust verkalýðshreyfingunni á einhvern hátt. Sögusafnið var upphaflega stofnað af ASÍ árið 1974 til þess að efla söfnun, varðveislu og rannsóknir á heimildum um sögu íslenskrar verkalýðshreyfingar.

Alþýðusamband Íslands fagnar 110 ára afmæli í dag en það var stofnað 12. mars árið 1916, sjá vef ASÍ.

Á myndinni eru frá vinstri Njörður Sigurðsson aðstoðarþjóðskjalavörður, Eyrún B. Valsdóttir, framkvæmdastjóri ASÍ og Finnbjörn A. Hermannsson, forseti ASÍ.