Einn af skjalavörðum safnsins rak áður hjólaverkstæði og var tilbúinn til þess að standa vaktina í verkstæði fyrir starfsfólkið sem haft var opið í tvo daga en naut slíkra vinsælda að þriðju vaktinni var bætt við og alls voru yfirfarin, smurð og löguð 19 hjól.  

Sjálfbærni og lýðheilsa er eitt af leiðarljósum í stefnu Þjóðskjalasafns og hefur starfsfólk meðal annars kost á því að gera samgöngusamning við stofnunina og nota umhverfisvæna samgöngumáta til og frá vinnu. Þá styðja stjórnendur safnsins einnig þátttöku í viðburðum á borð við Hjólað í vinnuna og Lífshlaupið af einurð og tóku því vel þegar starfsfólk fékk þá hugmynd að setja upp sjálfbært „Hjólaspa“ í undirbúningi fyrir Hjólað í vinnuna.