Ríkiseignir hafa umsjón með húsnæði safnsins og hafa auglýst eftir 700-1500 fermetra húsnæði á höfuðborgarsvæðinu fyrir geymslur og aðra aðstöðu fyrir móttöku gagna. Morgunblaðið fjallaði nýlega um húsnæðisþörf safnsins og þá miklu aukningu sem orðið hefur á síðustu árum í gagnaskilum til Þjóðskjalasafns.

„Almennt eru miklar breytingar hjá hinu opinbera þar sem meiri áhersla er orðin á stafræn gögn“, segir Kristján Þorvaldsson sviðsstjóri rekstrar á Þjóðskjalasafni í viðtali við Morgunblaðið. „Skjalageymslum hjá stofnunum er lokað og þannig gefst færi á að minnka húsnæði og ná fram hagræðingu í rekstri. Afhendingaskyldir aðilar koma með skjölin hingað á safnið í auknum mæli.“

Hagræðing og sparnaður með gagnaskilum ríkistofnana krefst hins vegar aukins rýmis á á Þjóðskjalasafninu og slík fjárfesting stuðlar að langtímahagræðingu í rekstri hins opinbera. Hér má lesa vefútgáfu fréttarinnar á mbl.is og á meðfylgjandi mynd má sjá greinina í heild sinni.