Tilefni mótsins er fyrst og fremst afhending Skáksambands Íslands á frumgögnum sínum til varanlegrar varðveislu í Þjóðskjalasafni. Þá er mótið einnig haldið í tengslum við skákdaginn 26. janúar, sem er fæðingardagur Friðriks Ólafssonar fyrsta íslenska stórmeistarans í skák. Myndin af ofan er einmitt af frímerki sem gefið var út árið 2008 til heiðurs Friðriki Ólafssyni.

Skákmótið fer fram í lestrarsal Þjóðskjalasafns að Laugavegi 162 og hefst kl. 15:30. Áætlað er að mótinu ljúki um klukkan 17:30. Viðburðurinn er öllum opinn á meðan húsrúm leyfir.