Í heimsókninni ræddu Hrefna Róbertsdóttir þjóðskjalavörður og Njörður Sigurðsson aðstoðarþjóðskjalavörður við Valdísi Einarsdóttur héraðsskjalavörð um starfsemi og verkefni Héraðsskjalasafns Dalasýslu. Má þar nefna langtímavarðveislu og skráningu pappírsskjala sveitarfélagsins, varðveislu og miðlun ljósmynda í safnkosti, eftirlit með og ráðgjöf um skjalamál til afhendingarskyldra aðila og varðveislu og söfnun einkaskjalasafna.

Aðsetur Héraðsskjalasafns Dalasýslu er í stjórnsýsluhúsinu í Búðardal sem má sjá á meðfylgjandi mynd.