Áður en nám hefst þarf að sækja um námsheimild með stafrænni umsókn.

Umsækjandi velur sér ökukennara og, ef við á, skilar læknisvottorði með umsókninni. Læknisvottorðs þarf að afla áður en sótt er um. Ef öðrum gögnum en gildu læknisvottorði er hlaðið inn með umsókninni verður henni hafnað. Læknisvottorðið er svo yfirfarið og námsheimild send í ökunámsbók.

Þegar verklegu prófi er lokið er ökuskírteini pantað og stafrænt ökuskírteini uppfærist strax Ísland.is appinu. Plastökuskírteini er síðan sent í pósti eða afhent hjá sýslumanni samkvæmt vali umsækjanda í umsóknarferlinu.

BE réttindi heimila akstur bifreiðar í flokki B með eftirvagni eða tengitæki með allt að 3.500 kg heildarþunga.

Markmið breytinganna er að einfalda þjónustuna og gera umsóknarferlið skýrara og hraðvirkara fyrir umsækjendur.