Eftirvagnar - umsókn um BE réttindi

Umsóknarferli og fylgigögn

Áður en nám hefst þarf að sækja um námsheimild. Það er gert með að fylla út stafræna umsókn um ökunám hér efst á síðunni.

• Sækja um námsheimild. Ökuneminn sækir sjálfur um.

• Velja sér ökukennara.

• Ef einni eða fleiri heilsufarsspurningu er svarað játandi í umsóknarferlinu þarf að hengja læknisvottorð við umsóknina.

Skilyrði fyrir útgáfu ökuskírteinis með BE réttindum

• Hafa náð 18 ára aldri.

• Öðlast fullnaðarskírteini.

• Hafa fullnægjandi sjón og heyrn.

• Vera líkamlega og andlega hæfur til að stjórna bíl.

• Hafa fasta búsetu á Íslandi.

• Hafa staðist verklegt ökupróf hjá löggiltum prófdómara.

Nánar um skilyrði fyrir útgáfu ökuskírteina í reglugerð nr. 830/2011 um ökuskírteini.

Réttindaflokkur BE

• Veitir ökuréttindi til að aka bifreið í flokki B með eftirvagn/tengitæki sem er allt að 3.500 kg að heildarþunga.

• Skoða skal í skráningaskírteini hvers ökutækis hvað ökutækið má draga þungan eftirvagn/tengitæki.

• Alltaf er farið eftir heildarþunga eftirvagnsins en ekki eigin þyngd.

Afgreiðslu og afhendingarferli

Afgreiðslutími ökuskírteina er allt að 7 virkir dagar frá því að prófi er lokið og ökuskírteini er pantað.

Hægt er að fá ökuskírteini afhent á eftirfarandi vegu:

• Sent í pósti (póstburðgjald bætist við).

• Sækja í afgreiðslu hjá sýslumönnum.

Stafrænt ökuskírteini uppfærist í Ísland.is appinu um leið og ökuskírteini er pantað, hægt er að óska eftir bráðabirgðaakstursheimild á pappír ef t.d. aðilar eru að taka aukin ökuréttindi eða eru ekki með rafræn skilríki.

Kostnaður

Kostnaður vegna náms og prófs fer eftir verðskrá ökuskóla og prófamiðstöðvar hverju sinni.

Námsheimild BE og ökuskírteini kostar 8.600 krónur.