Mismunandi er eftir málaflokkum hvort nauðsynlegt sé að bóka tíma 

Ekki þarf að bóka tíma fyrir almenna afgreiðslu til dæmis: 

• Umsóknir um og afhendingu ökuskírteina.

• Móttöku og afhendingu skjala til þinglýsingar.

• Afhending tilbúinna gagna vegna fjölskyldu- og dánarbúsmála. 

• Umboð Tryggingastofnunar og Sjúkratrygginga (aðeins á landsbyggðinni)

Myndatökur/umsóknir fyrir vegabréf og nafnskírteini 

• Hjá Sýslumanninum á höfuðborgarsvæðinu í Kópavogi er hægt að bóka tíma í gegnum Noona.is. Einnig er hægt að mæta án tímabókunar en þá getur bið verið lengri.  

• Hjá öðrum embættum er ekki nauðsynlegt að bóka tíma vegna vegabréfa og nafnskírteina.

• Ekki þarf að bóka tíma til að sækja tilbúin vegabréf.

Ekki er hægt að taka við umsóknum um vegabréf og nafnskírteini og mæta í myndatöku á starfstöð sýslumanns í Búðardal og á Þórshöfn og þar sem viðvera er takmörkuð (á Dalvík, Raufarhöfn og Hvammstanga). Umsækjandi má fara til hvaða sýslumanns sem hentar best vegna umsókna og myndatöku í vegabréf og nafnskírteini óháð búsetu. 

Þjónusta lögbókanda (Notarius) og hjónavígslur

Hjá eftirtöldum embættum er hægt að bóka tíma fyrir þjónustu lögbókanda og hjónavígslur í gegnum Noona.is: 

•  Sýslumaðurinn á Höfuðborgarsvæðinu 

•  Sýslumaðurinn á Suðurlandi (Selfoss, Hvolsvöllur, Vík, Höfn) 

Fyrir aðrar starfsstöðvar þarf að hafa samband við viðkomandi embætti til að panta tíma.