Stafrænt Ísland
Ferli innan Stafræns Íslands
Yfirlit yfir helstu ferli
Hér getur þú fundið yfirlit yfir helstu ferli sem unnið er eftir á vegum Stafræns Íslands, allt frá verkefnastjórnun til útgáfu og þróunar.
Samstarfsverkefni við Stafrænt Ísland er skipt í þrjá flokka. Verkefnin geta verið margvísleg en innan hvers flokks eru ákveðnar vörður sem leiða verkefnahópinn áfram og stuðla að góðri framþróun, skýru samstarfi og gæðum í gegnum verkefnið. Innleiðingarverkefni og þróunarverkefni með Stafrænu Íslandi hefjast alltaf á umsókn.
Innleiðingarverkefni eru þau verkefni sem krefjast ekki sérstaks þróunarteymis þar sem þau eru stöðluð í uppsetningu.
Vörðurnar í innleiðingaverkefnum eru:
Samþykkt umsókn
Aðaltengiliður og tímaáætlun
Aðgangur og leiðbeiningar
Rýni og prófanir
Uppfylla síðustu tékk fyrir útgáfu
Útgáfa til notenda
Skilamat
Þróunarverkefni eru þau verkefni sem krefjast aðkomu útboðsteymis undir rammasamningi við þróun á móti stofnun.
Vörðurnar í þróunarverkefnum eru:
Samþykkt umsókn
Hlutverk og forgangsröðun
Samningur við útboðsteymi
Aðgangur og leiðbeiningar
Notendasögur
Prótótýpa
Rýni og prófanir
Skilgreining á loknu verki (e. definition of done)
Útgáfa til notenda
Skilamat
Vöruþróunarverkefni eru þau verkefni sem snúa að áframhaldandi þróun á þjónustum Stafræns Íslands. Vörustjórar halda utan um vegvísi á ólíkum þjónustum og safna endurgjöf og forgangsraða.
Vörðurnar í vöruþróunarverkefnum eru:
Hlutverk og forgangsröðun
Samningur við útboðsteymi
Aðgangur og leiðbeiningar
Notendasögur
Prótótýpa
Rýni og prófanir
Skilgreining á loknu verki (e. definition of done)
Útgáfa til notenda
Skilamat
Nánari upplýsingar um skilamat má finna hér
Þróun hjá Stafrænu Íslandi er unnin samkvæmt Agile hugmyndafræði þar sem útgáfu er skipt niður í minni einingar svo hægt sé að fá viðbrögð og endurgjöf notenda sem fyrst.
Allur kóði er opinn (e. open source) nema sá sem vegna öryggisástæðna er haldið lokuðum. Tæknistakkur Stafræns Íslands er hýstur í skýjalausn Amazon Web Services (AWS).
Allur kóði er rýndur af öðru forritunarteymi (peer review) og prófaður af ólíkum teymum eftir því sem við á. Áhersla er lögð á sjálfvirkar prófanir og minni og örari útgáfur.
Þróunarhandbók Stafræns Íslands má finna hér og skjölun á lausnum og önnur tæknileg gögn má finna á docs.devland.is og er öllum aðgengilegt.
Gefnar eru út nýjar lausnir allt árið að undanskildu sumarleyfi. Útgáfan er unnin í lotum sem hver um sig skiptist í þrjá tveggja vikna spretti og rýnisviku (e. refactor week).
Í lok hvers spretts eru sýnd demó þar sem ólík teymi kynna lausnirnar sem eru í útgáfu og fá endurgjöf frá ólíkum teymum.
Útgáfuferlið er vel skilgreint og þurfa öll teymi að skila nýjum kóða með fyrirfram ákveðnum hætti svo hægt sé að rýna, sameina og prófa nýjan kóða áður en hann fer í loftið.
Útgáfuplan Stafræns Íslands er opið öllum teymum og hver útgáfu hefur sitt númer og hægt er að fylgjast með henni á sameiginlegu svæði allra teyma og samstarfsaðila.
Smelltu hér til að skoða útgáfufréttir.
Innviðir í rekstrarumhverfi Stafræns Íslands eru að mestu leyti reknir í skýjaþjónustum AWS og Azure innan EU svæðisins. Þar er lögð áhersla á öryggi innviða og gagna, speglun innviða, varaafritun gagna ofl.
Reglulega eru framkvæmdar öryggisúttektir á helstu þjónustum Stafræns Íslands, ásamt veikleika- og álagsprófunum.
Stöðugt er fylgst með ástandi rekstrarumhverfisins með margvíslegum vöktunarbúnaði og viðbragði þjónustuaðila.
Upplýsingaöryggisstefnu Stafræns Íslands má nálgast hér
Persónuvernd nær yfir réttindi einstaklinga varðandi meðferð persónuupplýsinga þeirra.
Gögn sem nýtt eru í þjónustum Ísland.is eru almennt geymd hjá stofnunum sjálfum og náð er í þau með leyfi notanda í gegnum auðkennd vefþjónustusamskipti.
Þróunarverkefni innan Ísland.is eru alltaf samstarfsverkefni. Til að tryggja rétta samsetningu teyma og skýra betur ábyrgð og væntingar eru skilgreind hlutverk í byrjun hvers verkefnis.
Opinberir aðilar
Verkefnastjóri
Notenda sérfræðingur
Tæknilegur sérfræðingur
Persónuverndarfulltrúi
Bakhjarl verkefnisins
Útboðsteymi inniheldur að lágmarki
Skilastjóri
Hönnuður
Forritari
Stafræn viðmið
Við skilgreinum notendur og þeirra þarfir og væntingar. Við stundum notendarannsóknir og notendaprófanir með raunverulegum notendum til að tryggja að þjónustan verði sniðin að þeim. Öll þjónustan er svo hönnuð og þróuð út frá niðurstöðum greininga.
Öll okkar teymi eru þverfagleg teymi sem geta hannað, byggt upp og rekið stafræna þjónustu. Teymin eru sjálfstæð og hafa umboð til ákvarðanatöku í samráði við þjónustueiganda. Það gefur þeim færi á að vinna hratt og vel og skila virði fljótt og örugglega til notenda.
Við sníðum stafrænar þjónustur eftir notendamiðaðri þjónustuhönnun. Við styðjumst einnig við Agile-aðferðafræði og notendamiðaða nálgun við þróun þjónustu. Öll þjónusta er svo hönnuð samkvæmt viðurkenndu hönnunarkerfi Stafræns Íslands, sem skapar samræmi í notkun og upplifun þvert á allar stofnanir.
Við gerum ráð fyrir að endurskoða og endurbæta ferli reglulega. Við sjáum til að öll teymi hafi getu, aðföng og tæknilegan sveigjanleika til þess. Einnig leggjum við áherslu á að skilja hvaða tól og kerfi eru nauðsynleg til að hanna, innleiða, hýsa, reka og mæla þjónustuna.
Persónuvernd er okkar hjartans mál. Við greinum hvaða persónutengdu gögn og upplýsingar þjónustan mun veita eða geyma og metum öryggi, lagalegar skyldur og virðum persónuvernd. Við leitum ráða sérfræðinga þegar það á við.
Okkar kóðar eru opnir, þ.e. ókeypis til notkunar fyrir almenning og/eða til að breyta eftir þörfum. Opinn og frjáls hugbúnaður minnkar kostnað við verkefni, kemur í veg fyrir tvíverknað og eykur gegnsæi. Við notum einnig opna staðla sem sparar okkur tíma og peninga.
Við tryggjum að öll þjónusta sé aðgengileg fyrir alla notendur. Það þýðir að lausnin þarf einnig að gagnast fólki með fötlun, eldra fólki eða fólki sem á í erfiðleikum með að nýta sér stafræna þjónustu. Þjónustan þarf að vera aðgengileg fyrir notendur óháð því hvort fólk getur eða kann að bjarga sér í stafrænu umhverfi.
Við prófum stafræna þjónustu frá upphafi til enda í prófunarumhverfi sem er eins og raunumhverfið. Öll þjónusta þarf að vera skýr, einföld og auðveld í notkun óháð því hvaða tæki er notað. Við prófum vel og vandlega allt í tengslum við þjónustuna á meðan á þróun stendur.
Við setjum lykilmælikvarða á öll verkefni og metum árangur verkefnanna út frá þeim. Stafræna þjónustu þarf að meta til að stöðugt sé hægt að bæta hana.
Markmiðið er að öll þjónusta hins opinbera verði aðgengileg á Ísland.is. Við þróum nýjar lausnir fyrir Ísland.is og nýtum þá vinnu sem hefur verið unnin milli verkefna.