Þessi breyting hefur engin áhrif á það hvernig prófið er lagt fyrir. Það er líka rétt að fram komi að þó að sama prófið sé lagt fyrir oftar en einu sinni þá líður nægilega langur tími á milli prófanna til að þjálfunaráhrif komi ekki fram. 

Sú staðreynd að nemendur taka nú sama prófið oftar hefur þann kost í för með sér að auðveldara verður að fylgjast með stöðu- og framförum hjá þeim. Gott er þó að hafa í huga að þegar nemendur lesa nýtt próf, eins og t.d. nemandi sem fer úr 7. bekk í 8. bekk í haust, má búast við því að lesinn orðafjöldi á mínútu standi í stað eða lækki lítillega. Það gæti verið vegna þess að nýi textinn er þyngri. Við minnum svo á að góð lestrarfærni er undirstaða alls náms og í þessu tilviki sem öðrum þá skiptir hvatning og fyrirmynd foreldra miklu máli. 

Handbók um notkun lesfimi- og stuðningsprófa Lesferils.