Allir nýnemar fengu skóla – fleiri komust að í fyrsta vali

Framhaldsskólarnir gátu tekið við öllum nýnemum sem sóttu um, og því var hægt að samþykkja allar umsóknir þeirra sem uppfylltu inntökuskilyrði.

Af þeim 5.131 nemanda sem sóttu um fengu:

• 4.136 pláss í þeim skóla sem þau völdu sem fyrsta val (81%)

• 669 í öðru vali (12,8%)

• 204 í þriðja vali (3,9%)

• 122 nemendur fengu pláss í skólum sem þeir höfðu ekki valið sérstaklega, en þar var laust pláss (2,3%)

Það er lægra hlutfall en áður, en í ár var í fyrsta sinn boðið upp á að velja þrjá skóla í umsókninni í stað tveggja, sem auðveldaði úthlutun.

Umsóknarkerfi Ísland.is bætir þjónustu og öryggi

Í ár var í fyrsta sinn notast við umsóknarkerfi Ísland.is við móttöku umsókna í framhaldsskóla en umsóknin var þróuð í samstarfi Miðstöðvar menntunar og skólaþjónustu og Stafræns Íslands. Notkun umsóknarkerfisins hefur bætt þjónustu við umsækjendur og aukið öryggi í umsóknarferlinu verulega.

Breytt námsframboð mætir fjölbreyttum hópi

Mennta- og barnamálaráðuneytið, Miðstöð menntunar og skólaþjónustu og framhaldsskólar hafa lagt áherslu á að tryggja öllum nýnemum námspláss. Unnið hefur verið að auknu námsframboði til að mæta fjölbreyttum nemendahópi, s.s. fjölgun á starfsbrautum, aukið framboð í verknámi og stuðningi við nemendur með ólíkan tungumála- og menningarbakgrunn.

Heildarfjölda umsókna í hvern skóla, ásamt úthlutuðum plássum má sjá í meðfylgjandi töflu: