Í ár hafa svo bæst við enn fleiri skemmtileg verkfæri í þennan ævintýraheim orðanna en það eru glænýtt spil, myndaspjöld og vefurinn Orðatorg.

Saman bjóða þessi verkfæri upp á nánast endalausa möguleika til að vinna og leika með tungumálið með það að markmiði að styrkja orðaforða og málskilning. Við erum sannfærð um að bókin, myndaspjöldin og spilið nýtist vel í starfi skóla og foreldra sem uppspretta nýrra ævintýra og leikja.

Á meðfylgjandi mynd má sjá Ásmund Einar Daðason, mennta- og barnamálaráðherra og Þórdísi Jónu Sigurðardóttur, forstjóra Miðstöðvar menntunar og skólaþjónustu þegar leikskólinn Hamrar fékk afhent fyrsta eintakið af spilinu góða.