Lyfjastofnun

Lyfsala utan apóteka

Efnisyfirlit

Þar sem ekki er starfrækt apótek eða lyfjaútibú getur Lyfjastofnun leyft sölu ákveðinna lausasölulyfja í almennri verslun.

Til að heimilt sé að selja tiltekin lausasölulyf í almennri verslun þurfa samkvæmt skilgreiningu Lyfjastofnunar að vera yfir 20 kílómetrar í næsta apótek eða lyfjaútibú. Með almennri verslun er átt við alla aðra verslun en verslun á grundvelli lyfsöluleyfis.

Lyf sem er heimilt að selja

Hér fyrir neðan er útlistað hvaða pakkningar almennum verslunum sem hlotið hafa undanþágu frá ákvæðum lyfjalaga um lyfsölu er heimilt að bjóða til sölu.

Starfsfólki almennra verslana er heimilt að afgreiða viðskiptavin um eina pakkningu lyfs af hverju virka innihaldsefni í hverri einstakri afgreiðslu. Í því felst að heimilt er að afgreiða tvær eða fleiri pakkningar lyfja með ólíku virku innihaldsefni.

Dæmi:

Heimilt er að afgreiða viðskiptavin um eina pakkningu af Histasíni og eina pakkningu af Íbúfeni en óheimilt er að afgreiða viðskiptavin um tvær pakkningar af Histasíni eða tvær pakkningar af Íbúfeni.
Paratabs og Panodil innihalda sama virka efni og því má aðeins afgreiða viðskiptavin um eina pakkningu af öðru hvoru lyfjanna, en ekki báðum.

Virkt efni: Cetirizinum

Heiti lyfs	Lyfjaform	Styrkleiki	Pakkningastærð	Umbúðir
Cetirizine Alvogen	Filmuh. tafla	10 mg	10 stk	Þynnup.
Histasín	Filmuh. tafla	10 mg	10 stk	Þynnup.
Zensitin	Filmuh. tafla	10 mg	10 stk	Þynnup.

Óheimilt er að afgreiða hvern viðskiptavin um fleiri en eitt lyf úr þessum lista.

Virkt efni: Ibuprofenum

Heiti lyfs	Lyfjaform	Styrkleiki	Pakkningastærð	Umbúðir
Ibutrix	Mixt./dreifa	20 mg/ml	200 ml	Glas
Íbúfen	Filmuh. tafla	200 mg	20 stk	Þynnup.
Nurofen Junior Appelsín	Mixt./dreifa	40 mg/ml	100 ml	Glas
Nurofen Junior Jarðarber	Mixt./dreifa	40 mg/ml	100 ml	Glas

Óheimilt er að afgreiða hvern viðskiptavin um fleiri en eitt lyf úr þessum lista.

Virkt efni: Loratadinum

Heiti lyfs	Lyfjaform	Styrkleiki	Pakkningastærð	Umbúðir
Lóritín	Tafla	10 mg	10 stk	Þynnup.

Aðeins má afgreiða hvern viðskiptavin um eina pakkningu af þessu lyfi.

Virkt efni: Paracetamolum

Heiti lyfs	Lyfjaform	Styrkleiki	Pakkningastærð	Umbúðir
Dolorin	Tafla	500 mg	20 stk	Þynnup.
Dolorin Junior	Endaþ.st.	125 mg	10 stk	Þynnup.
Dolorin Junior	Endaþ.st.	250 mg	10 stk	Þynnup.
Panodil	Filmuh. tafla	500 mg	20 stk	Þynnup.
Panodil Brus	Freyðitafla	500 mg	20 stk	Þynnup.
Panodil Hot	Mixt.d./lausn	500 mg	10 stk	Skammtap.
Panodil Junior	Mixt./dreifa	24 mg/ml	100 ml	Glas
Panodil Junior	Endaþ.st.	125 mg	10 stk	Þynnup.
Panodil Zapp	Filmuh. tafla	500 mg	20 stk	Þynnup.
Paracet	Endaþ.st.	125 mg	10 stk	Þynnup.
Paracet	Endaþ.st.	60 mg	10 stk	Þynnup.
Paratabs	Filmuh. tafla	500 mg	20 stk	Þynnup.
Pinex	Endaþ.st.	500 mg	10 stk	Þynnup.
Pinex	Mixt./lausn	24 mg/ml	100 ml	Glas
Pinex Junior	Endaþ.st.	125 mg	10 stk	Þynnup.
Pinex Junior	Endaþ.st.	250 mg	10 stk	Þynnup.

Óheimilt er að afgreiða hvern viðskiptavin um fleiri en eitt lyf úr þessum lista.

Virkt efni: 2,4-tvíklórbensýlalkóhól og amýlmetakresól

Heiti lyfs	Lyfjaform	Styrkleiki	Pakkningastærð	Umbúðir
Strepsils Cool	Munns.tafl.	1,2 og 0,6 mg	24 stk	Þynnup.
Strepsils Ingefær	Munns.tafl.	1,2 og 0,6 mg	24 stk	Þynnup.
Strepsils Jordbær Sukkerfri	Munns.tafl.	1,2 og 0,6 mg	24 stk	Þynnup.
Strepsils med Honning og Citron	Munns.tafl.	1,2 og 0,6 mg	24 stk	Þynnup.

Óheimilt er að afgreiða hvern viðskiptavin um fleiri en eitt lyf úr þessum lista.

Virkt efni: Lyfjakol

Heiti lyfs	Lyfjaform	Styrkleiki	Pakkningastærð	Umbúðir
Kolsuspension	Mixt./dreifa	150 mg/ml	100 ml	Glas

Aðeins má afgreiða hvern viðskiptavin um eina pakkningu af þessu lyfi.

Virkt efni: Carbomerum

Heiti lyfs	Lyfjaform	Styrkleiki	Pakkningastærð	Umbúðir
Oftagel	Augnhlaup	2,5 mg/ml	0,5 g x 30	Stakskammtaílát

Aðeins má afgreiða hvern viðskiptavin um eina pakkningu af þessu lyfi.

Virkt efni: Ketotifenum

Heiti lyfs	Lyfjaform	Styrkleiki	Pakkningastærð	Umbúðir
Zaditen	Augndr./lausn	0,25 mg/ml	0,4 ml x 20	Stakskammtaílát

Aðeins má afgreiða hvern viðskiptavin um eina pakkningu af þessu lyfi.

Endurskoðun og leiðbeiningar

Þegar verið er að meta hvaða lausasölulyf fer á listann þarf að horfa til ýmissa þátta eins og hvort veita þurfi ráðgjöf með lyfinu og hvort brýn þörf sé fyrir notkun lyfsins.

Áætlað er að listinn verði endurskoðaður tvisvar á ári (að vori og hausti).

Lyf til sölu utan apóteka

Tæmandi listi yfir þau lyf, styrkleika og pakkningar sem heimilt er að selja samkvæmt ákvæðinu um sölu lyfja utan apóteka.

Umsókn um undanþágu

Umsóknareyðublað fyrir sölu lausasölulyfja í almennri verslun.

Leiðbeiningar um meðferð og sölu tiltekinna lausasölulyfja í almennum verslunum án lyfsöluleyfis

PDF

Verslanir með gilda undanþágu til sölu tiltekinna lausasölulyfja

Verslun og heimilsfang	Gildistími	Póstnúmer og staður
Baulan, Baulu	26.11.2028	311 Borgarnes (dreifbýli)
Bjarnabúð, Brautarhóll	21.11.2025	806 Selfoss (dreifbýli)
Búðin Borgarfirði, Gamla Pósthúsinu	28.10.2027	720 Borgarfjörður eystri
Dalakofinn, Laugar	06.11.2027	650 Laugar
Gullfosskaffi, við Gullfoss	06.11.2027	806 Selfoss (dreifbýli)
Hríseyjarbúðin, Norðurvegi 7-11	06.08.2027	630 Hrísey
Kaffi Kjós, Meðalfellsvegur 50	11.04.2026	276 Mosfellsbær
Kaupfjelagið, Sólvellir 25	8.10.2028	760 Breiðdalsvík
Kjörbúðin Fáskrúðsfirði, Skólavegi 56	28.10.2027	750 Fáskrúðsfjörður
Krambúðin á Flúðum, Grund	20.09.2027	845 Flúðir
Krambúðin á Laugarvatni, Dalbraut 8	20.09.2027	840 Laugarvatn
KS Hofsósi, Suðurbraut 9	20.09.2027	565 Hofsós
KS Ketilási, Ketilás	28.10.2027	570 Fljót
N1 Staðarskála	20.09.2027	500 Staður
Olís Varmahlíð	20.09.2027	561 Varmahlíð
Skjálfti, Breiðvangur	12.07.2026	320 Reykholt
Söluskálinn Freysnesi, Skaftafelli 2	28.08.2028	785 Öræfi

Listinn yfir almennar verslanir sem hafa heimild til sölu tiltekinna lausasölulyfja samkvæmt fyrrnefndri undanþágu er tæmandi. Vakin er sérstök athygli á að þessi heimild nær einungis til lyfjakaupa tiltekinna lausasölulyfja.