Samstarfsyfirlýsing landskjörstjórnar og Þjóðskrár Íslands um rafræna kjörskrá undirrituð
2. júní 2023
Samstarfsyfirlýsing um framkvæmd verkefna sem varða rafræna kjörskrá var undirrituð.
![](https://images.ctfassets.net/8k0h54kbe6bj/3bxZkhCJXustSQasD2z4N9/de4a258de46a8df0a7746744fed7f49b/__str____ur_og_Hildur_undirrita_samninga.jpg?w=50&fm=webp&q=80)
![Samstarfsyfirlýsing undirrituð](https://images.ctfassets.net/8k0h54kbe6bj/3bxZkhCJXustSQasD2z4N9/de4a258de46a8df0a7746744fed7f49b/__str____ur_og_Hildur_undirrita_samninga.jpg?w=774&fm=webp&q=80)
Ástríður Jóhannesdóttir, framkvæmdastjóri landskjörstjórnar og Hildur Ragnars, settur forstjóri Þjóðskrár Íslands undirrituðu samstarfsyfirlýsingu í síðustu viku.
Markmið samstarfsyfirlýsingarinnar er að formgera samstarf landskjörstjórnar og Þjóðskrár Íslands við framkvæmd verkefna sem varða rafræna kjörskrá. Þróun og innleiðing rafrænnar kjörskrár felur í sér gerð sérstaks hugbúnaðar og tölvukerfis ásamt því að innleiða ný vinnubrögð og ferla hjá öllum notendum kjörskrár sem eru t.d. kjörstjórar sem sjá um utankjörfundaratkvæðagreiðslu og kjörstjórnir sem starfa á kjördag.