• Á höfuðborgarsvæðinu fer skimunin fram á Brjóstamiðstöð, Eiríksgötu 5, 101 Reykjavík (sjá kort), 3. hæð.

• Á Norðurlandi fara brjóstaskimanir fram á Sjúkrahúsinu á Akureyri, Eyrarlandsvegi (sjá kort) , inngangur C.

• Á landsbyggðinni er skimað fyrir brjóstakrabbameini á nokkrum stöðum á vorin og haustin. Þú getur skoðað fyrirkomulag skimana á landsbyggðinni.

Mikilvægt er að taka fram við tímabókun ef um hreyfihömlun er að ræða, notkun hjólastóls eða þörf fyrir aðstoðarmann.

Þá er tekið tillit til þess og gefinn ríflegri tími eftir þörfum.

Ef þú vilt afþakka boð í skimanir eða ert óviss um þátttöku (til dæmis vegna fyrri aðgerða), skaltu hafa samband við Samhæfingarstöð krabbameinsskimana (SKS).

• Sími 513 6700 alla virka daga frá 8:30 til 12

• Tölvupóstur: krabbameinsskimun@heilsugaeslan.is

• Skimun fyrir brjóstakrabbameini (.pdf)

• Brjóstaskimun á brjóstamiðstöð Landspítala, Eiríksstöðum: Myndband með leiðbeiningum um ferlið

• Á Heilsuveru: Skimun fyrir brjóstakrabbameini

Brjóstamiðstöð Landspítala sér um tímabókanir í brjóstaskimun.

Einkennalausar konur 40 til 74 ára sem hafa fengið boðsbréf í skimun geta pantað tíma með því að:

• Hringja í Brjóstamiðstöð í síma 543 9560, virka daga frá 9 til 15.30

• Senda fyrirspurn á netfangið brjostaskimun@landspitali.is

• Bóka tíma rafrænt á vef Brjóstamiðstöðvar

Svarbréf með niðurstöðum berast rafrænt inn á Heilsuveru og Ísland.is innan þriggja vikna.

Til þess að fá tilkynningu þarft þú að skrá símanúmer þitt og/eða netfang inn á Heilsuveru og á Ísland.is þarft þú að merkja við að þú viljir fá hnipp í símann þegar nýjar upplýsingar berast í pósthólfið þitt.

Inni á Heilsuveru getur þú séð komusögu krabbameinsskimana undir/í sjúkraskrá þinni.

Þar sérð þú yfirlit yfir hvenær þú hefur fengið boðsbréf og hvenær þú mættir síðast í skimun.

Ekki er talin ástæða til aukins eftirlits hjá þeim sem eru á ónæmisbælandi lyfjum.

Konur sem eru með staðfesta BRCA genabreytingu eiga að vera í sérstöku eftirliti á vegum Brjóstamiðstöðvar Landspítala en ekki mæta í almennar skimanir.

Einkennalausar þungaðar konur eiga ekki að mæta í brjóstaskimun.

Einkennalausar konur með barn á brjósti eiga ekki að mæta í brjóstaskimun fyrr en þremur mánuðum eftir að brjóstagjöf lýkur.