• Mínar síður á heilsuvera.is

• Netfang: heilsubru@heilsugaeslan.is

• Örugg gagnaskil með Signet Transfer

Fjölbreytt námskeið eru haldin á vegum Heilsubrúar, bæði á staðnum og sem fjarnámskeið.

• Upplýsingar um námskeið Heilsubrúar

Ljósmæður og hjúkrunarfræðingar veita ítarlega einstaklingsmiðaða fræðslu um getnaðarvarnir.

Ráðgjöfin hjálpar konum og einstaklingum með kvenlíffæri að taka upplýsta ákvörðun um hvaða getnaðarvörn hentar best.

• Hægt er að bóka tíma á mínum síðum Heilsuveru.

• Þjónustan er óháð búsetu og greiða þarf 500 króna komugjald.

Að ráðgjöf lokinni er gerð lyfjaávísun fyrir þá getnaðarvörn sem valin er. Notkun er svo fylgt eftir með símtali þremur mánuðum síðar.

Einnig er í boði uppsetning og fjarlæging á lykkju og getnaðarvarnarstaf. Þeir tímar eru bókaðir af ráðgjafa eftir ráðgjafartímann.

Hjá Heilsubrú eru gerðar leiðnimælingar þegar fylgjast þarf með þyngdarstjórnunarkerfum og meta samsetningu líkamans. Þá fást upplýsingar um þyngd og hlutfall fitu, vöða og beina, auk fitudreifingar um innri líffæri.

Niðurstöðurnar hjálpa við að meta breytingar á líkamanum, t.d. þegar fólk er í lífstílsmóttöku á heilsugæslunni, á þyngdarstjórnunarlyfjum eða annarskonar inngripum sem hafa áhrif á þyngd.

Ef þörf er á endurteknum mælingum skal hafa í huga að breytingar á líkamssamsetningu gerast ekki hratt. Venjulega líða sex til tólf mánuðir áður en leiðnimæling er endurtekin.