Kvenheilsuteymið veitir fræðslu og ráðgjöf en sinnir einnig sjúkdómum og heilsufarsvanda sem eingöngu eru til staðar hjá konum.

Allar konur geta skráð sig á námskeið, sem er fyrsta skrefið. Eftir þátttöku í hóptímum er hægt taka næstu skref varðandi greiningu og meðferð innan eða utan Heilsubrúar.

Heilsubrú býður upp á hugræna atferlismeðferð (HAM) við streitu, kvíða og þunglyndi, svefnleysi og fyrir bætt sjálfsmat. HAM er sú tegund meðferðar á sálrænum vandamálum sem hefur verið rannsökuð hvað mest og sýnt fram á að hún er ein árangursríkasta meðferð sem völ er á í dag.

Tímalengd námskeiðanna er fjórar til sex vikur. Hist er einu sinni í viku, í einn og hálfan til tvo klukkutíma í senn.

Skráning fer fram hér: HAM námskeið.

Fræðslan hentar öllum einstaklingum sem langar til að fræðast um sykursýki tegund 2. Markmiðið fræðslunnar er að auka þekkingu og skilning á sjúkdómnum til að bæta líðan og meðferðarheldni. Þetta er eins skiptis fræðsla og er einn og hálfur til tveir tímar að lengd.

Skráning fer fram hér: Sykursýki - Fræðsla

Hjá Heilsubrú starfa þrír næringarfræðingar sem veita einstaklingsmiðaða ráðgjöf og næringarmeðferð til skjólstæðinga og fagfólks. Ásamt því taka þeir þátt í fræðslu og námskeiðshaldi.

Heilbrigðisstarfsfólk á heilsugæslustöðvum vísar einstaklingum í viðtöl hjá næringarfræðingi.

Hjá Heilsubrú starfa kvensjúkdóma- og fæðingalæknar sem veita ráðgjöf til verðandi mæðra. Einnig sjá ljósmæður um ómskoðanir eftir þörfum.

Ljósmæður á heilsugæslustöðvum HH vísa konum í þjónustuna.

Einnig eru í boði námskeið fyrir verðandi foreldra.

Skráning fer fram hér: Meðganga, fæðing og nýburi

Heilsubrú er heimastöð lyfjafræðinga sem veita þjónustu á heilsugæslustöðvum.

Í öllum framhaldsskólum á höfuðborgarsvæðinu starfa hjúkrunarfræðingar sem veita einstaklingsmiðaða ráðgjöf og hópfræðslu til nemenda sem beinist meðal annars að: Geðheilbrigði, kynheilbrigði og almennu heilsufari. Einnig veita hjúkrunarfræðingarnir nemendum leiðsögn um heilbrigðiskerfið eftir þörfum.

• Forstöðumaður: Sólrún Ólína Sigurðardóttir

• Skrifstofustjóri: Rakel Ólafsdóttir