Alla jafna er miðað við að ekki líði meira en fjórar vikur frá því að nefndinni berst beiðni um færni- og heilsumat þar til að niðurstaða liggur fyrir.

Þegar umsókn berst er óskað eftir umsögnum fagaðila sem koma að þjónustu við umsækjendur. Þegar umbeðin gögn hafa borist fer málið fyrir næsta fund nefndar þar á eftir.

Niðurstaða matsins er tilkynnt skriflega um leið og hún liggur fyrir. Mikilvægt er að gefa bæði upp heimilisfang og tölvupóstfang umsækjanda eða þess sem á að móttaka svarið.

Vistið skjalið, fyllið út rafrænt, prentið síðan út, skrifið undir og sendið í pósti. Einnig er hægt að nota örugg gagnaskil.

• Umsókn um færni- og heilsumat

• Umsókn um hvíldarinnlögn á hjúkrunarheimili

Umsókn um færni- og heilsumat (langtímadvöl) gildir einnig sem samþykki fyrir hvíldarinnlögn, allt að 8 vikur til að skipta upp á biðtímanum eða á 12 mánaða tímabili.

• Frekari upplýsingar um færni- og heilsumat er að finna á Ísland.is.

Ekki eru takmörk fyrir fjölda heimila í vali, sækja má um öll heimili á höfuðborgarsvæðinu, sem og heimili á landinu öllu.

Langtímadvöl

• Droplaugarstaðir, Reykjavík

• Eir, Reykjavík

• Grund, Reykjavík

• Hamrar, Mosfellsbæ

• Hrafnista Boðaþing, Kópavogi

• Hrafnista við Laugarás, Reykjavík

• Hrafnista við Hraunvangi, Hafnarfirði

• Hrafnista, Ísafold, Garðabæ

• Hrafnista Skógarbær, Reykjavík

• Hrafnista Sléttuvegi, Reykjavík

• Mörk, Reykjavík

• Seltjörn, Seltjarnarnesi

• Skjól, Reykjavík

• Sóltún, Reykjavík

• Sunnuhlíð, Kópavogi

• Sólvangur, Hafnarfirði

Á nokkrum heimilum eru bæði einbýli og tvíbýli. Þá bjóðast gjarnan tvíbýli við innlögn en hægt að sækja síðar um innanhúss flutning. Þetta á við um Hrafnistu Skógarbæ og Skjól og í færri tilvikum Eir og Grund. Biðtími er styttri eftir þessum rýmum en almennt gerist.

Sameiginlegt salerni er á Hrafnistu Hraunvangi og á nokkrum einbýlum á Eir, Grund, Hrafnistu Laugarási og Skjóli.

Lokuð heilabilunardeild er á Droplaugarstöðum, Eir, Grund, Hrafnistu Laugarási, Hrafnistu-Skógarbæ, Seltjörn, Skjóli og Sunnuhlíð.

Geðrými eru í Mörk, Ási Hveragerði og Fellsenda í Búðardal.

Hjónarými eru á Eir, Grund, Hrafnistu Hraunvangi og Hrafnistu Laugarási. Einnig gætu tvíbýli nýst sem hjónarými.

Ekki eru takmörk fyrir fjölda heimila í vali, sækja má um öll heimili á höfuðborgarsvæðinu, sem og heimili á landinu öllu.

Hvíldarinnlagnir bjóðast á Grund, Hrafnistu Laugarási og Hrafnistu Hafnarfirði á höfuðborgarsvæðinu. Einnig bjóðast hvíldarinnlagnir á landsbyggðinni. Heimilin sjálf halda utan um hvíldarbiðlista og taka á móti óskum um hvíldarinnlögn.