Stafræn heilsa, í samstarfi við Fjársýsluna, boðar til kynningarfundar vegna fyrirhugaðs rammasamningsútboðs á sérfræðingum í hugbúnaðarþróun, rekstri og ráðgjöf.

Á fundinum verður farið yfir:

• Almenna kynningu á samningsútboðinu,

• Hæfiskröfur, hverjir geta sent inn tilboð (fyrirtæki og sjálfstætt starfandi),

• Hlutverk innan rammasamningsins,

• Val inn í samninginn og mat á tilboðum,

• Fyrirkomulag kaupa innan samningsins, þ.m.t. bein kaup og örútboð,

• Skila- og frammistöðumat á samningstíma.

Fundurinn verður haldinn í fjarfundi (Teams) 30. júní 2026 kl. 9:00–10:00.

Á fundinum sjálfum og að fundi loknum (til 12:00 samdægurs) gefst þátttakendum kostur á að senda inn athugasemdir og tillögur til úrbóta í gegnum form sem sent verður til skráðra þátttakenda.

Reynt verður að svara sem flestum spurningum á fundinum. Þeim spurningum sem ekki verður hægt að svara á fundinum verður svarað eins fljótt og auðið er.

Allar spurningar og svör verða send til þátttakenda og birt nafnlaust.

Vinsamlegast athugið að útboðsgögnin eru í vinnslu og bjóðendur munu fá að kynna sér lokaafurðina þegar útboðið verður auglýst.