Innheimtugagnavinnsla lögaðila í samvinnu við Skattinn
31. október 2023
Fjársýslan hefur undanfarið unnið að Innheimtugagnavinnslu lögaðila í samvinnu við Skattinn. Í vinnslunni eru lagðir skattar, samkvæmt framtali, á aðila í atvinnurekstri (lögaðila).
![](https://images.ctfassets.net/8k0h54kbe6bj/5jpDcrO4gV7AwJwIvBcykd/89b3def0ae48d01c0e9b716b7aa42b3f/Greidslur-38_2x-100.jpg?w=50&fm=webp&q=80)
![Greiðslur](https://images.ctfassets.net/8k0h54kbe6bj/5jpDcrO4gV7AwJwIvBcykd/89b3def0ae48d01c0e9b716b7aa42b3f/Greidslur-38_2x-100.jpg?w=774&fm=webp&q=80)
Innheimtu- og álagningarseðla er hægt að nálgast á www.island.is og á www.skattur.is Greiðsluseðlar vegna álagningar hafa verið birtir á Ísland.is og sendir til skeytamiðlunar fyrir lögaðila sem nýta sér þá þjónustu.
Miðvikudaginn 1. nóvember verða greiddar út inneignir að upphæð kr. 23,5 milljarða til rúmlega 8 þúsund lögaðila.
Inneignir upp á kr. 3,0 milljarða verða greiddar út síðar.
Hægt er að nálgast greiðslustöðu undir fjármál á www.island.is en nánari upplýsingar veita Innheimtumenn ríkissjóðs.