Á málstofunni verður fjallað um ýmis hagnýt málefni sem tengjast fjármálum og fjárstýringu ríkisstofnana. Farið verður yfir nýjungar í greiðslumiðlun, erlendar greiðslur og tækifæri til markvissari sjóðstýringar.

Einnig verður sjónum beint að ábendingum Ríkisendurskoðunar og mikilvægum atriðum sem hafa þarf í huga við undirbúning og framkvæmd áramótauppgjörs. Málstofan er kjörinn vettvangur til að efla þekkingu og stuðla að vönduðum vinnubrögðum í fjármálastjórn ríkisins.

Á málstofunni verður fjallað um mikilvæg réttinda- og kjaramál starfsfólks ríkisins og hvernig þau tengjast mannauðsstjórnun stofnana. Sjónum verður meðal annars beint að stéttarfélagsaðild, fæðingarorlofi og ávinnslu réttinda. Markmiðið er að auka skilning á þeim reglum og réttindum sem gilda um starfsfólk ríkisins og styðja við samræmda og faglega framkvæmd mannauðsmála hjá stofnunum.

Hvernig geta ríkisstofnanir tryggt vandaðri, hagkvæmari og markvissari innkaup á upplýsingatækni?

Á málstofunni verður fjallað um mikilvægi góðrar þarfagreiningar, skýrrar stefnumótunar og vandaðra samninga við kaup á upplýsingatæknilausnum, gervigreind og þjónustu.

Skoðað verður hvernig forðast megi læsta stöðu gagnvart birgjum, auk þess sem fjallað verður um val á innkaupaleiðum, útboðsferli og samningstjórnun.

Áhersla verður lögð á hvernig stofnanir geta tekið upplýstar ákvarðanir og nýtt opinbert fjármagn sem best við kaup á upplýsingatækni.

Hvernig getur Fjársýslan stutt stjórnendur ríkisstofnana við að ná fram hallalausum rekstri?

Á málstofunni verður fjallað um þær áskoranir og þau tækifæri sem felast í ábyrgri og markvissri rekstrarstjórnun. Sérfræðingar af öllum fagsviðum Fjársýslunnar munu varpa ljósi á hvernig stuðningur, ráðgjöf og þjónusta Fjársýslunnar getur hjálpað stjórnendum að bæta yfirsýn, nýta fjármagn betur og stuðla að sjálfbærum rekstri innan fjárheimilda.

Á þessari málstofu verður sjónum beint að daglegum viðfangsefnum í mannauðs- og launaumsýslu ríkisstofnana.

Fjallað verður um skráningu og utanumhald vinnutíma og fjarvista, meðal annars í tengslum við veikindi, hlutaveikindi og mismunandi tegundir fjarvista.

Einnig verður rætt um launamál og mikilvægi réttrar og samræmdrar