Elfur-API er vefþjónustulag sem gerir kerfum kleift að tengjast beint við grunnkerfi Fjársýslunnar.

Með Elfur-API getur stofnun eða samstarfsaðili:

• sent og sótt gögn sjálfvirkt á milli kerfa

• einfaldað gagnaskil og dregið úr handvirkri vinnu

• tryggt samræmda og örugga miðlun gagna

Elfur-API styður þannig við aukna sjálfvirkni og skilvirkni í samskiptum við Fjársýsluna og aðrar ríkisstofnanir.

Sjá skilmála Elfur-API (Í vinnslu)

Hvað er Elfur-API?

Elfur-API er í grunninn vefþjónusta sem veitir samræmdan aðgang að ýmsum kerfum og gagnasöfnum Fjársýslunnar með stöðluðu REST-viðmóti yfir HTTPS. Markmiðið er að auðvelda örugga og skilvirka vinnslu gagna, styðja samþættingu milli kerfa og auka samræmi í stafrænum lausnum ríkisins. Með Elfur-API geta stofnanir og samstarfsaðilar þeirra nálgast og unnið með gögn á einfaldan, öruggan og samræmdan hátt.  
 
Elfur-API er ætlað:

• stofnunum og opinberum aðilum sem tengjast kerfum Fjársýslunnar

• þjónustuaðilum sem vinna með gögn Fjársýslunnar

• verktökum og tækniteymum sem þróa stafrænar lausnir fyrir stofnanir

Helstu kostir

• Samræmt viðmót: Aðgangur fer fram í gegnum staðlað REST/JSON viðmót yfir HTTPS

• Örugg auðkenning: Notað er OAuth 2.0 auðkenningarferli (client credentials)

• Útgáfustýring: Þjónustan er útgáfustýrð (t.d. /v1/...) sem tryggir stöðugleika og fyrirsjáanleika

• Skjölun: OpenAPI 3 skjölun með gagnvirkri skjölunarsíðu auðveldar innleiðingu

• Sjálfvirk rekstur: Uppsetning og prófanir eru sjálfvirkar með Azure Pipelines

Helstu kostir og notagildi

• Eitt aðgangslag að mörgum kerfum. Þjónustur og gagnasöfn Fjársýslunnar liggja á bak við staðlaða endapunkta í stað þess að hvert kerfi sé með eigin vefþjónustu

• Öryggi í fyrirrúmi. Hver kallandi þarf gildan client og hefur aðeins þau réttindi (e. scopes) sem honum hafa verið veitt

• Sjálfsafgreiðsla. Skjölunin er birt opinberlega innan hvers umhverfis og er uppfærð í takt við kóðagrunninn

• Stöðug þróun. Nýir flokkar (e. domains) eru fyrst gefnir út sem Beta áður en þeir verða almennt aðgengilegir, svo samstarfsaðilar geta prófað þá á meðan útfærsla er enn í mótun

Umhverfi

Elfur-API keyrir í þremur aðskildum umhverfum. Hvert umhverfi hefur sína eigin grunnslóð, sinn Identity Server til auðkenningar og sinn gagnastofn.

Samsvarandi token-endapunktar fyrir auðkenningu:

Gögnin í dev- og test-umhverfunum eru ekki raungögn. Ekki skal reiða sig á þau í raunkeyrslu. Raunumhverfið vinnur með raunverulegar færslur og er samnýtt auðlind sem þarf að umgangast af varúð.

Skjölun og OpenAPI / Swagger

Hvert umhverfi birtir sína gagnvirku skjölun á eftirfarandi slóðum. Skeytið grunnslóð viðkomandi umhverfis framan við hvern stíg úr töflunni hér að ofan:

Dæmi (prófunarumhverfi):

https://fjs-cdn-endpoint-elfur-test-hhesbzhxabbwbqen.a03.azurefd.net/docs

Yfirlitssíðan listar alla flokka, sýnir stöðu hvers og eins (sjá kafla 5) og veitir bæði aðgang að gagnvirkri skjölun og niðurhal á OpenAPI-skilgreiningunni.

Stöður flokka

Elfur-API er skipt upp í flokka (e. domains) eftir eðli gagna eða verkferla. Hver flokkur hefur stöðu sem segir til um hve stöðug viðmótin innan flokksins eru. Stöðurnar birtast sem merki á yfirlitssíðunni /docs:

Núverandi listi flokka og staða þeirra birtist alltaf á /docs í hverju umhverfi — notið þá síðu sem eina sannleiksuppsprettu um hvað er Available, Beta eða Deprecated hverju sinni.

Auðkenning

Elfur-API notar OAuth 2.0 client-credentials flæði til auðkenningar. Samstarfsaðili sækir um:

Flæðið í stuttu máli:

Aðgangsstýring sumra endapunkta (t.d. fyrir starfsmannagögn) tekur einnig mið af client_id. Client-inn getur þurft sérstaka heimild fyrir tiltekna stofnun til viðbótar við scope-réttindi. Skjölun hvers flokks lýsir þeim sérkröfum.

Útgáfustýring

• Allar slóðir innihalda útgáfunúmer í stígnum (/v1/...)

• Núverandi útgáfa er v1

• Breytingar sem brjóta samþættingar fara á nýja aðalútgáfu; viðbætur sem brjóta ekki samþættingar eru gefnar út innan sömu útgáfu

• Þegar nýjar útgáfur eru gefnar út uppfærist yfirlitssíðan /docs sjálfkrafa

Stuðningur og samband

• Skjölun og prófun: Notið /docs síðuna í viðeigandi umhverfi

• Aðgangur, scopes og samþætting: Hafið samband við aðgangsstjórn Fjársýslunnar

• Bilanir og atvikamál: Tilkynnist í gegnum venjuleg þjónustusamskipti við Fjársýsluna

Athugið að þetta skjal er ætlað sem yfirlit. Ítarleg lýsing endapunkta, gagnasnið og breytingarsaga er alltaf birt í gagnvirkri skjölun á /docs í hverju umhverfi.