Rekstur leigubíls

Sá sem fullnægir öllum eftirfarandi skilyrðum getur fengið rekstrarleyfi fyrir leigubíl.

Skilyrði umsækjanda

• Lögheimili innan Evrópska efnahagssvæðisins (EES)

• 21 árs aldur

• Almenn ökuréttindi í minnst þrjú ár (almennt bílpróf, B-réttindi)

• Réttindi til aksturs í atvinnuskyni (B-far)

• Námskeið fyrir atvinnu- og rekstrarleyfishafa (þarf að standast próf)

• Gott orðspor, metið út frá sakavottorði. Ef umsækjandi hefur gerst sekur um alvarleg ofbeldisbrot er ekki hægt að veita leyfi fyrr en að 10 árum liðnum. Ef um kynferðisbrot er að ræða er ekki hægt að veita leyfi samkvæmt 3. tölul. 2 mgr. 6. gr laga um leigubifreiðaakstur.

• Afgreiðsla á leigubílastöð sem er með gilt starfsleyfi frá Samgöngustofu

• Fjár síns ráðandi og ekki í gjaldþrotaskiptum

• Opinber gjöld ekki í vanskilum

Skilyrði bíls

• Umsækjandi einn eigandi eða einn umráðamaður bíls sem á að nota sem leigubíl

• Bíllinn tryggður sem leigubíll

• Þegar öll gögn hafa verið móttekin og metin fullnægjandi er gefin út staðfesting fyrir breytingaskoðun.

  • Þá skal fara með bílinn í breytingaskoðun á skoðunarstöð þar sem hann verður skráður leigubíll í ökutækjaskrá

  • Rekstrarleyfið er ekki gefið út fyrr en þessu skrefi er lokið

Sjá nánar: Lög um leigubifreiðaakstur