Fara beint í efnið

Starfsleyfi leigubílastöðvar

Umsókn um starfsleyfi til reksturs leigubílastöðvar

Þeir sem vilja hafa milligöngu um leigubílaþjónustu þurfa að sækja um starfsleyfi hjá Samgöngustofu.

Ferlið

  1. Sækja námskeið hjá Ökuskólanum í Mjódd

  2. Sækja um starfsleyfi hjá Samgöngustofu og skila inn öllum gögnum

  3. Uppfylla skilyrði fyrir starfsleyfi

  4. Starfsleyfi gefið út til fimm ára

Fylgigögn

Mikilvægt er að skila inn öllum fylgigögnum með umsókn.

  • Staðfesting á fullnægjandi fjárhagsstöðu, til dæmis áritaður ársreikningur eða staðfest skattframtal

  • Lögheimilissaga - Búsetutímavottorð umsækjanda eða forsvarsmanns lögaðila - island.is eða Þjóðskrá

    • Ef umsækjandi hefur verið með skráð lögheimili erlendis þarf einnig að skila sakavottorði frá viðkomandi landi/löndum skv. 3. tölul. 2 mgr. 6. gr laga um leigubifreiðaakstur

  • Einstaklingar sem eru með ríkisfang utan Evrópska efnahagssvæðisins skulu framvísa dvalar- og atvinnuleyfi

Samgöngustofa hefur yfirlit yfir þá sem hafa lokið leigubílanámskeiðum og aflar upplýsinga úr sakaskrá Íslands og því þarf ekki að skila inn þeim gögnum nema annað sé tekið fram.

Afgreiðsla umsókna

  • Samgöngustofa gefur út starfsleyfi til fimm ára þegar öllum skilyrðum er fullnægt og greiðsla hefur borist.

  • Þegar gögn vantar með umsókn eða skilyrðum er ekki fullnægt, lætur Samgöngustofa vita með tölvupósti.

Kostnaður

  • Kostnaður við starfsleyfi er samkvæmt gjaldskrá Samgöngustofu og er 16.000 kr.

  • Kostnaður við ökunám og námskeið fyrir leigubíla fer eftir gjaldskrá ökuskóla.

  • Greiða þarf fyrir þau vottorð og gögn sem afla þarf hjá öðrum stofnunum.




Umsókn um starfsleyfi til reksturs leigubílastöðvar

Þjónustuaðili

Samgöngu­stofa