Löggilding skjalaþýðenda og dómtúlka

Athugið að ekki er tekið við umsóknum eins og er

Sýslumaðurinn í Vestmannaeyjum sér um löggildingu dómtúlka og skjalaþýðenda á landsvísu.

Löggildingarpróf fyrir dómtúlka og skjalaþýðendur er haldið annað hvert ár undangengnu kynningar- og undirbúningsnámskeiði á vegum Þýðingaseturs Háskóla Íslands sem verður að öllu óbreyttu haustið 2025.
Námskeiðið og kynningarfundurinn er haldið að Neshaga 16, jarðhæð, Reykjavík og í fjarfundi á Microsoft Teams.

Skilyrði fyrir umsókn

• Að vera lögráða og þannig kominn andlega að viðkomandi sé fær um túlkun og þýðingar

• Greiðsla prófgjalds

Heimilt er að synja manni um löggildingu ef hann hefur verið dæmdur í sakamáli fyrir brot sem varðar sviptingu löggildingar.

Umsókn

Umsóknir skulu berast Sýslumanninum í Vestmannaeyjum á netfangið skjalathydendur@syslumenn.is eða í bréfpósti á:
Sýslumaðurinn í Vestmannaeyjum
Pósthólf 136
902 Vestmannaeyjum.

Umsókn skal fylgja kvittun fyrir greiðslu prófgjalds.   

Kostnaður

Prófgjald 2024 er 393.000 krónur fyrir þá sem taka prófið í fyrsta sinn bæði af íslensku og á íslensku, en 295.000 krónur fyrir þá sem taka prófið aðeins í aðra áttina eða endurtaka prófið.
Innifalið í prófgjaldinu er kynningarfundur og námskeið.
Prófgjaldið greiðist inn á reikning Sýslumannsins í Vestmannaeyjum, 0582-26-2, kennitala 490169-7339.
Að prófi loknu skal greiða gjald fyrir útgáfu löggildingarskírteinis 12.000 krónur.

Fyrirkomulag námskeiðs

Námskeiðið er haldið á vegum Þýðingaseturs Háskóla Íslands.  

Námskeiðið samanstendur af kynningarfundi, undirbúningsnámskeiði og lýkur með löggildingarprófi. 

Kynningarfundur

Kynningarfundur fyrir verðandi próftaka verður haldinn að Neshaga 16, jarðhæð, og í fjarfundi á Microsoft Teams, að öllu óbreyttu í ágúst 2025.

Undirbúningsnámskeið

Próftökum er skylt að sækja undirbúningsnámskeiðið, nema þeir hafi áður þreytt prófin. Næsta undirbúningsnámskeið fer fram að Neshaga 16, Reykjavík og í fjarfundi á Microsoft Teams að öllu óbreyttu fjóra föstudaga, kl. 10-16, haustið 2025.

Löggildingarpróf

Fyrir dómtúlka og skjalaþýðendur er haldið annað hvert ár undangengnu kynningar- og undirbúningsnámskeiði á vegum Þýðingaseturs Háskóla Íslands.
Skrifleg löggildingapróf verður haldið í febrúar 2026 í Þjóðarbókhlöðu
ath. prófin eru EKKI á Teams.
Heimilt að veita löggildingu til skjalaþýðingar á grundvelli erlendrar löggildingar, enda taki sú löggilding til íslensku.

Skrá yfir löggilta skjalaþýðendur og dómtúlka - Sjá hér