Leyfi til að flytja inn og selja flugelda í heildsölu
Á þessari síðu
Almennt
Til að flytja inn og selja flugelda í heildsölu þarf leyfi frá lögreglustjóra. Sama leyfið felur í sér bæði innflutning og heildsölu. Leyfið er ekki veitt einstaklingum.
Ef selja á flugelda í smásölu þarf annað leyfi fyrir það.
Skilyrði
Umsækjandi er fyrirtæki eða félagasamtök með virðisaukaskattsnúmer.
Tilgreina þarf ábyrgðarmann sem hefur náð 18 ára aldri.
Slökkviliðsstjóri metur svo að geymsla fyrir flugeldana standist kröfur Húsnæðis- og mannvirkjastofnunar.
Borga fyrir leyfi
Gjald fyrir nýtt leyfi er 34.000 krónur og gjald fyrir endurnýjun er 6.500 krónur.
Reikningsnúmer: 0303-26-667
Kennitala: 531006-2320
Senda þarf kvittun á netfangið greitt@lrh.is og setja í skýringu fyrir hvern er verið að greiða.
Leyfilegir flugeldar
Það má aðeins setja á markað flugelda sem
hafa hlotið gerðarviðurkenningu Neytendastofu,
eru með CE-merki,
eru framleiddir samkvæmt ákveðnum stöðlum. Staðlarnir eru settir fram í greinum 26 og 27 í reglugerð um skotelda.
Gildistími leyfis
5 ár.
Lög og reglur
Þjónustuaðili
Lögreglan